親愛吃 (已結業)

之前係Facebook 已經見過呢間親愛吃，名子特別所以印象深刻，主打fusion 菜同特性甜點！所以特地去銅鑼灣試下！環境裝修新潮又多打卡位！炸豆卜香草芝士，概念源自於椒鹽炸豆卜，炸芝士可以沾甜醬或辣醬，我係第一次咁樣食芝士，估唔到幾夾wo! 我就中意沾辣醬！菠蘿咕嚕肉配炸雲吞皮，平時食開都大大份，呢度整到一口size ,非常好！醬汁酸酸甜甜咁好開胃，咕嚕肉嫩滑配埋脆卜卜既雲吞皮，更有口感！甜品我地簡左豬腳薑雪糕配炸豬皮，好特別，以為會好奇怪，但食落又幾好味，配埋炸豬皮 雙重口感，好推薦大家試下！呢度既菜式用上西式既方式黎煮中菜，有新一種感覺，好期待會有更多菜式！杯cocktail係manhattan, 有塊檸檬皮在內，酒精濃度都dd重，但飲落都幾舒服，易入口的。