HeSheEat (綠楊坊) (已結業)

這間餐廳主打甜品和特色飲品, 食物色彩繽紛, 賣相尤其吸引。今晚在荃灣購物, 心思思想食吓甜品。餐廳嘅粉紅色佈置, 令人感覺舒服休閒。原隻黑松露燒春雞配日式薯仔沙律春雞外皮沾有黑松露醬, 燒得香脆, 肉質嫩滑, 除咗雞髀有啲骨之外, 基本上已經去骨, 點以特製燒醬汁, 更加美味。紅花海鮮燴意大利飯 燴飯賣相精緻, 意大利飯飯粒吸收咗海鮮湯汁, 口感幼滑, 海鮮味道鮮甜, 加上番紅花嘅點綴, 口感清新。日本紫薯牛角包窩夫紫紅色粉底賣相很吸引, 外層香脆, 入口充滿淡淡紫薯蓉, 味道輕甜唔會膩, 加埋雪糕更覺香滑。抹茶栗子蓉牛角包窩夫 擺設同樣突出, 栗子蓉鮮甜幼滑, 加上抹茶味嘅茶香, 口感更有層次。香蕉拖肥奶昔和宇治抹茶士多啤梨鮮奶配抹茶雪糕甜度合適, 冰冰涼涼, 好睇又好飲。