影片
更多
2023-05-11
206 瀏覽
見到開飯網介紹， 有間小白屋文青餐廳 喺上環差館上里， 今日專登走嚟打卡 ，見到餐廳外面搭咗竹棚喺度裝修，🪜⚒️影唔到間白色屋仔有啲可惜， 不過入到入面都係好有文藝氣息，👓📚📝 牆上嘅壁畫，🖼窗邊嘅裝飾 ，🎍仲有幾個文質彬彬 ，👩🏫🧑🏫年青嘅主事人喺度忙忙碌碌 ，招呼人客 。中午時分 ，餐廳係full House ，可見非常受歡迎 。我哋兩個偽文青重視食多啲 ，餐廳用掃碼點餐 ，我哋手忙腳亂搞唔掂， 帥哥店員好友善咁幫我哋完成整個點餐過程 ，細心❤周到 ，服務一流。一摞起個食譜就見到有好特別嘅菜式吸引我哋 ，一個係彩虹乳酪 ，另一個係蒜油蝦配法包， 非常特別嘅菜式當然要試下， 價錢仲好實惠 。去到主菜果頁 ，就睇中咗帶子黑松露蘑菇意粉 ，我哋係 斯文優雅嘅偽文青，揀三個應該都夠食㗎喇。 跟住再點多兩杯飲品， 拿鐵係我哋嘅最愛。💥💥💥 蒜油蝦配法包首先上場， 六隻煎香嘅大蝦用蒜油浸住，上面有少少番紅花， 超香超級引， 四塊法包烘到脆卜卜， 先食大蝦，蘸啲蒜油加蒜片，好鮮味 ，大蝦稍為煮過咗啲。 用法包點蒜油食， 又香又脆， 一食就停唔到。 💥💥💥 帶子黑松露蘑菇意粉 ，好大一碟， 有三
9 瀏覽
0 讚好
0 留言
中午時分 ，餐廳係full House ，可見非常受歡迎 。我哋兩個偽文青重視食多啲 ，餐廳用掃碼點餐 ，我哋手忙腳亂搞唔掂， 帥哥店員好友善咁幫我哋完成整個點餐過程 ，細心❤周到 ，服務一流。
一摞起個食譜就見到有好特別嘅菜式吸引我哋 ，一個係彩虹乳酪 ，另一個係蒜油蝦配法包， 非常特別嘅菜式當然要試下， 價錢仲好實惠 。去到主菜果頁 ，就睇中咗帶子黑松露蘑菇意粉 ，我哋係 斯文優雅嘅偽文青，揀三個應該都夠食㗎喇。 跟住再點多兩杯飲品， 拿鐵係我哋嘅最愛。
💥💥💥 蒜油蝦配法包首先上場， 六隻煎香嘅大蝦用蒜油浸住，上面有少少番紅花， 超香超級引， 四塊法包烘到脆卜卜， 先食大蝦，蘸啲蒜油加蒜片，好鮮味 ，大蝦稍為煮過咗啲。 用法包點蒜油食， 又香又脆， 一食就停唔到。
💥💥💥 帶子黑松露蘑菇意粉 ，好大一碟， 有三粒大帶子， 煎到金黃色鋪喺面， 意粉入面有好多蘑菇，黑松露忌廉汁又香又濃滑， 兩個人好快就分拆完一碟。
💥💥💥💥💥 彩虹乳酪， 呢個係極力推薦嘅甜品， 首先個賣相真係好靚 ，好有心思 ，材料有藍莓， 柑， 奇異果，石榴，香蕉 ，仲有啲紫色同紅色嘅花瓣， 藍色部分應該係藍莓乳酪， 味道一流， 乳酪唔係好甜， 加埋各式水果同埋卜卜脆非常好食 ， 配搭和諧 ，營養均衡健康，唔同嘅顏色有唔同嘅營養 ，滿足咗視覺， 嗅覺，同味覺嘅要求 ，呢個甜品真係超值 ，100分。
最後係兩杯香濃嘅拿鐵， 精美嘅拉花， 沖配得香濃純滑， 飲落非常舒服滿足。 這一餐完全超出我們的期望 ，值得再次幫襯。💯🥰🥰
張貼
