Aroma Dessert Cafe (已結業)

荃灣食完飯，想食d甜品，於是9點到咗Aroma Dessert Cafe ，鋪頭細細地方唔大，都要等咗陣，排隊排咗15分鐘先有得入。店鋪有最低消費，每人最低限度要叫一份單點，pancake/飲品/芭菲/窩夫，如果太飽建議叫杯野飲。鮮雜果厚Pancake 伴玫瑰花釀醬及雲尼拿雪糕$75香蕉朱古力窩夫伴朱古力雪糕$60賣相同餐牌張相一模一樣，睇賣相都已經好想食，pancake 好有蛋香而且鬆軟配埋玫瑰醬，感覺好清新。至於窩夫唔太甜，質感外脆，入面比較實淨，份量60蚊嚟講算好多。