香江花月 (利舞臺廣場) (已結業)

係利舞台上嘅餐廳，位置好方便，一入門口就覺得裝修好豪華，有大大部電單車係餐廳中央。主打精美的火鍋配料同擺盤，除左擺盤靚，餐廳食物質素都好高，有海鮮、靚牛、靚湯底。點餐紙的食物數目起碼有60、70款左右。花膠湯底鍋，有半隻雞仲有花膠好足料。湯底煲過後勁有雞味又香滑，骨膠原滿滿。餐廳提供多款牛肉同肉類，點了切片安格斯肥牛同牛小腿內，粉嫩又厚切，好有牛味，灼一灼就食得。伊比利亞黑豚肉，份量多，肉質好鮮。桂花蚌肉質飽滿彈牙爽口，快熟好食。黑松露餃子餡料好足，啖啖肉。皇帝菜新鮮索索聲，吸收哂湯底滋味好正。