影片
更多
2012-10-31
47 瀏覽
小小一個九龍城，美珍佳餚如此多，簡直令人又愛又恨，好鍾意過黎隨意行下都搵到好野食，但經常五點未夠就食提自己只係下午茶，食少少好喇，最後都係食到飽晒，到晚餐時間唔餓，但十點幾十一點要摷野食，肥到不得了呢日就係因為晚餐打算食大閘蟹 , 所以先o係九龍城打底 , 妳提議食點心 , 可以就住食幾多叫幾多 , 於是揀左譚點 ,之前經過見到 menu 有好多特式點心 , 一路都想黎試下 ~1. 蜜汁叉燒腸~ 幾鐘意而家有 d 地方用切段方式上碟 , 一匙一件好方便 ,腸粉皮好薄好晶瑩 , 滿滿o既叉燒 , 名副其實o既白裏透紅 , 真係有香濃o既蜜汁味 , 只需少少甜鼓油就足以鈞起味道 ,一口一件 , 軟滑美味 , 仲發現到有 d 仲有少少脆片o係入面如果更加趁熱食應該會更加好食 , 脆片口感都應該會更好2. 金湯龍皇餃配黑松露菌~ 好似一粒巨型蝦肉燒賣咁 , 燒賣皮係青綠色 , 賣相一流 ,黑松露醬份量絕不惹少 , 好香好濃郁 , 足以攤勻整隻餃面中間蝦尾部份就真係只有蝦尾 , 蝦肉混入左紅椒莞茜 ,味道無我想像中咁特別 , 而且都無乜金湯 , $ 26 似乎太貴喇3. 青芥脆蝦一口漢堡仔~
好鍾意過黎隨意行下都搵到好野食，但經常五點未夠就食
提自己只係下午茶，食少少好喇，最後都係食到飽晒，
到晚餐時間唔餓，但十點幾十一點要摷野食，肥到不得了
呢日就係因為晚餐打算食大閘蟹 , 所以先o係九龍城打底 ,
妳提議食點心 , 可以就住食幾多叫幾多 , 於是揀左譚點 ,
之前經過見到 menu 有好多特式點心 , 一路都想黎試下 ~
1. 蜜汁叉燒腸
~ 幾鐘意而家有 d 地方用切段方式上碟 , 一匙一件好方便 ,腸粉皮好薄好晶瑩 , 滿滿o既叉燒 , 名副其實o既白裏透紅 ,
真係有香濃o既蜜汁味 , 只需少少甜鼓油就足以鈞起味道 ,
一口一件 , 軟滑美味 , 仲發現到有 d 仲有少少脆片o係入面
如果更加趁熱食應該會更加好食 , 脆片口感都應該會更好2. 金湯龍皇餃配黑松露菌
~ 好似一粒巨型蝦肉燒賣咁 , 燒賣皮係青綠色 , 賣相一流 ,黑松露醬份量絕不惹少 , 好香好濃郁 , 足以攤勻整隻餃面
中間蝦尾部份就真係只有蝦尾 , 蝦肉混入左紅椒莞茜 ,
味道無我想像中咁特別 , 而且都無乜金湯 , $ 26 似乎太貴喇
3. 青芥脆蝦一口漢堡仔
~ 好可愛好細個 , 青芥味道平實 , 輕輕從舌根滲出辣味 , 因混合左沙律醬 , 所以絕無嗆鼻嗆喉o既不良副作用 ,
脆蝦就好似炸蝦角咁 , 脆香而且內裏彈牙多汁 , 好好味 !!
包面同底都有芝麻 , 有少少燶 , 內裏有生菜 , 有埋青瓜仲清新
4. 蜜糖黃芥辣魚腐卷
~ 魚腐卷用腐皮包住 , 好薄好脆 , 而魚肉就香軟彈牙 , 黃芥辣吱得好靚 , 先食一口 , 味道溫和 , 雖然唔覺有蜜糖味
但勝在唔會太搶味 , 無破壞魚肉o既鮮甜 , 但有助隱藏腥味
魚肉好似鯪肉魚咁 , 混入莞茜同芹菜 , 炸完都唔會太乾身 , 唔錯 !
5. 沙律香芒盞
~ 呢個又係睇到都想食 , 白雪雪o既沙律放o係一個小盞度 ,加上芒汁 , 沙律係爽甜o既蘋果而唔係芒果 , 個沙律汁好香果味 ,
小盞好似一個匙更型o既脆片 , 可以拎住把手連沙律帶匙咬口 ,
又香甜又爽口又薄脆 , 多重口感多重享受 , 己成為譚點必點推介
6 .千島炸粉粿
~ 外皮好酥脆鬆化 , 口感好似炸芋酥 , 餡料細小 , 食完都唔知咩黎o既好在整體無太過份o既油膩 , 但以味道同特式程度黎講呢個最遜色
7. 巨峰提子凍
~ 細細杯好的骰 , 睇落好似黑加侖子o者喱咁 , 無乜特別 , 但味道真係意想不到咁好食 !! 好真實o既巨峰提子味 , 仲帶有酒香
果凍滑溜濃郁 , 但唔會過甜 , $ 8 三小匙就食晒 , 勁想 encore ~
8. 小甜甜一口焦糖蛋
~ 同樣係 $ 8 一小杯 , 糖面夠薄夠焦香但唔脆 , 不過佢真係做到少甜 入口軟滑 , 我幾鍾意佢個質感 , 凝固度控制得幾好 , 仲帶有蛋香添
## 以點心專門店黎講 , 譚點店內環境相當濶落 , 仲好光猛 ,
呢日我地黎到時原來佢地廚房準備落場放飯 , 店員有禮地通知我地
希望我地可以 5pm 前填好點心紙並不作加單 , 當然我地都好識做
食物果然好快就上晒枱 , 以趕落場o既情況下 , 點心都做得咁精緻
可見廚房同事係無馬虎了事o家 , 呢一餐本身諗住初作淺嘗 ,
最後都係不受控地叫足 6 樣點心 2 個點品 , 食到飽晒 , 好滿意 !!
張貼
