巧饍坊(素食)

營業中

休息中

黃埔花園有好多美食，今日朋友想食齋，位於黃埔天地美食坊樓上嘅《巧饍坊》嘅廚師手勢唔錯。久不久食餐齋菜感覺幾健康，無肉不歡嘅朋友都可以試下，有煎炸嘢，也有一些做得好似肉嘅餸菜款式。酸辣豆腐羹~酸酸辣辣，好醒胃，呢個都比較辣，小朋友未必啱。鮑參翅肚羹~味道唔錯，素翅感覺都幾似，豐富材料， 質地唔會太杰。荔芋酥魚~即叫即炸好香口，芋頭蓉好香滑，配甜酸醬特別美味。白肉腐皮卷~估唔到份量都幾大，都可以夠三至四人，腐皮卷餡料豐富，主要係菇類，芡汁甜甜地，送飯都唔錯。黑松露榆耳秋葵炒淮山~材料豐富，炒得香口，有鑊氣。