名館 (希慎廣場) (已結業)

黎《名館》食放題已經幾次，唔好以為點心放題，選擇就會少，用$168 +1就有咁嘅質素同咁多選擇嘅點心（超過廿幾款），喺銅鑼灣，仲可以喺邊度搵？一直都喜歡呢度點心精繳又好食， 《蝦餃》係重點，《黑松露燒賣》都好正， 每款點心色香味俱全👍🏻小菜都有幾款， 梗有一款啱口味，我個人喜歡《雲南涼拌貓耳朵》及《和麻醬雞絲粉皮》，辣辣哋，早前菜一流😋😋坐低就奉上玄米茶，淡淡茶味，配搭點心，飲茶都係一種享受 😋甜品除咗有《陳皮紅豆沙》，仲有出邊好少有嘅《腐竹鵪鶉蛋糖水》 ，紅豆沙比較淡口，我唔喜歡，我鍾意後者😋😋服務員醒目又唔會漏單👍🏻👍🏻抵讚