中心點 (已結業)

同朋友諗夜晚食咩好，朋友話想食點心，咁啱又行經「中心點」，既然咁有緣份，好啦，比次機會你啦。好好彩，時間尚早，唔使等位就入得。裡面環境闊落，座位寬躺，坐得都幾舒服。本身我個人都比較腌尖同麻煩，但今晚我竟然覺得所有點心都好好食，唔知係咪太耐冇食點心，又或者係果一刻真係非常肚餓，，食得好滋味。我哋叫咗以下六個點心，全部都值得一試。我最愛係養顏薑汁糕。薑汁味非常濃郁，同時帶有少少老薑嘅辣味。糕嘅質感亦都好煙靭同非常彈牙，堅有咬口，口感一流。我第二最愛係紅米脆皮鮮蝦腸粉。紅米脆皮真係脆嘅，皮薄唔油膩；蝦肉亦好足料，啖啖肉，新鮮彈牙，加埋甜豉油真係一流！瑤柱生滾生魚片粥都好食。瑤柱同魚片份量都算足料，粥上放咗一小堆瑤柱絲（而唔係成碗粥得幾條），魚片都有幾塊，都算係咁。粥亦都算煲得幾綿同滑，調味都唔錯，加埋胡椒粉，嘩！正呀！沙巴蝦燒賣皇醬皇蒸鳳爪 姬松茸野菌餃