古今二 (荃新天地)

營業中

休息中

雖然古今二 出名食創意壽司，但自從上次跟朋友食過荃灣古今二嘅刺身拼盤之後，成日都想再食！ 但人少去食唔過癮嘅，今次就一行三人可以食多啲！首先嚟「池魚王」， 灑上左食用花賣相好靚。肉質薄又晶瑩，味道淡甜所以點酸汁提味～「老翁」 - 成條魚上好正！ 肉質厚身啲，嫩稔鮮味，完全唔會腥！「金目鯛」-又係成條魚真吸引！魚皮有口感，魚肉都係爽彈感，點啲汁食好正！「錦繡二人前」- 有5款：鮑魚、海膽、油甘金、拖羅、蝦。刺身肉厚油潤，魚脂好香！鮑魚甜甜地唔會韌；海膽濃郁鮮味！未食完已經諗定下次再食！