壹壹漁一 (已結業)

今日去咗位於大角咀帝盛酒店入邊嘅壹壹漁壹食lunch雖然餐廳位於酒店入邊，但價錢同普通嘅餐廳分別不大，而且選擇都幾多。除咗有日式嘅魚生飯之外，亦都有西式嘅意粉，又有泰式嘅麵條，選擇多元化。而且午市套餐已經包左三色前菜、時令沙律同埋是日餐湯，夠晒豐富。 我哋叫咗一份角切魚生丼，一份蒲燒鰻魚伴燒飯團。三款前菜分別有醃蘿蔔、枝豆同埋中式嘅餃子，有三種唔同國家菜式嘅風味餐湯就係泰式嘅冬陰功湯，酸酸辣辣，好開胃。沙律份量都幾多，加埋藜麥，夠健康。魚生丼並唔係用一般嘅碗去載着，而係用咗一隻淺碟，再用壽司蛋糕嘅形式奉上，賣相精緻。而且魚生嘅種類多，除咗有三文魚之外，仲有帶子、吞拿魚、蟹柳等等，全部都非常之新鮮。蒲燒鰻魚原條奉上，夠晒震撼，配上日式嘅燒飯團，感覺係一件加大碼嘅壽司。燒飯團配上蒲燒鰻魚嘅醬汁，味道濃郁香口。