壹壹漁一 (已結業)

早幾日同媽咪去咗 旺角帝盛酒店 二樓既 #壹壹漁一 食𝙻𝚞𝚗𝚌𝚑 𝚂𝚎𝚝 ，入到去環境寧靜寬敞挺日式feel😊我哋叫咗兩個set，每個set會有個前菜定食跟飲品。前菜份量唔惹少呀～有蘿蔔牛腩、枝豆、雞腳、沙律、南瓜湯、椰汁糕，個羽衣甘藍沙律仲好醒胃，食得過！！主菜方面香蔥溫泉蛋和牛飯🍚蔥既味道好香，流心蛋配埋和牛撈埋一齊食層次感豐富，加上洋蔥和青紅椒嘅配搭顏色賣相鮮艷柳橙辣味醬汁佐慢煮豬梅柳🐷睇得出賣相有用心擺設，啲豬整得好腍再配埋香脆薯條，對於細食嘅我剛剛好跟餐可以加$10配生蠔，我地叫咗四隻🦪黎到好肥厚大隻！可以無限refill㗎～成個set埋單$252連埋加一，個人認為真心抵食！！同朋友家人喺到坐低傾下計食個飯chill下都幾好㗎🥂

最近見到呢間酒店內嘅日式餐廳推出左個燒肉x火鍋mix埋一齊嘅放題，仲有A5和牛同haagen dazs 雪糕🍦任食🤩都係$498/位咋，自己買都唔止呢個價錢💰-一開頭會有4點刺身🦐🐟全部都好新鮮！特別係日本廣島蠔🦪，成隻手咁大隻，而且口感非常爽滑，搞到我不斷追加😂😂🦪A5和牛係熊本出產🇯🇵有火鍋片同四種唔同部位嘅燒肉片，全部都係任食架🤩🤩另仲有幾個部位嘅澳洲、美國牛同日本豚可供選擇。自助區有各款蔬菜、丸類、時令海鮮、烏冬等，仲有四款口味嘅haagen dazs 任食，真係冇得輸😆😆

餐廳推出的中午半自助餐吸引了不少香港人，當然我就係其中一份子。自助包括湯、甜品。湯品麵豉蜆湯，一大碗湯裏面有很多肥美的蜆肉，這是值得一讚的！但甜品糕點並不吸引，但勝在有雪糕任食。主菜方面，四款沙律菜的醬汁都不太夾，小食質素都一般般，木耳偏酸。主菜叫了一個丼飯，擺盤出色，但味道真的不堪忍受，魚生暖暖的，壽司飯的醋味不足，雖然價錢不貴，但並不是物超所值。而且Wasabi是直接加落飯碟當中，（對於我唔食Wasabi而言，就要慢慢”不”走）而且餐廳用餐環境偏細，客人高聲談話都十分應聲，就算價格有多經濟，我都不會再到訪了。

成日都覺得去酒店食飯一定好貴，今日陪友人去大角咀剪頭髮，佢話附近嘅帝盛酒店好抵食，咁就試試佢！一睇個menu嚇親，最平68有交易，最貴都係108，生蠔都係10蚊隻，以酒店環境黎計，坐得咁舒服，真係好抵！試埋D野食再講！每個餐都有前菜甜品，當日有枝豆，味道爽甜、牛肚，微辣開胃、醃漬蕃茄，甜甜酸酸好開胃，本身蕃茄亦都好新鮮！湯係日式蜆肉湯，不過不失！火炙魚生飯賣相砌得好靚，廚師有精心擺盤，睇到都已經想食！帶子厚度適中，入口鮮甜無腥味。三文魚經過火炙做到外面焦香內裡半熟，兩種口感。鰻魚都有兩三片，味道就正常。壽司飯軟硬適中，仲帶點濕潤！整體好滿意！友人叫左個黑松露蟹籽吞拿魚伴意粉($108)，蟹籽伴碟好精緻，吞拿魚調過味唔會乾爭爭，黑松露更加幫碟意粉加上一點咸鮮味。整體友人都好滿意！

今日我就去左朋友屋企拎野，難得出到黎奧運，就諗住食埋晚餐先走，朋友就話同我去食壹壹漁一打邊爐，裏面有我最鐘意食既牛肉外，最特別就係可以打邊爐+燒肉同時一齊食，一次過滿足哂我2個願望我地就選擇左黑毛和牛套餐$498首先就黎左刺身先，有帶子，生蠔，三文魚，牡丹蝦，每款刺身都非常新鮮，唔會有急凍既雪味豚肉+牛舌心豚肉切得好薄，肉質結實牛舌心食落爽口黑毛和牛基本唔洗咬幾啖，和牛就已經係口到溶化了出面仲有其他配料，如有菜類，菇類，丸類，特別推介是日海鮮，係蜆黎，每粒都超大隻，而且冇沙，仲十分鮮甜有4款燒肉肉類店舖好細心呀，每款牛肉都有牌仔話你知係咩部位，個人就最喜歡A5日本黑毛和牛牛肩胛，一望落去已經見到好多雪花，而且沒有根位，食落去牛肉味道濃郁，十分香口

如題😬任燒任淥任食，樓下見到poster都無諗到咁抵，上去問問先知omg，今次執到寶😍✨🌈壹壹漁一呢到嘅套餐分開兩種唔同嘅和牛，仲可以無限任添🌈✨第一碟要介紹嘅係，刺身！係！個套餐有刺身，隻蠔仲要手掌咁大，喂呀圍唔圍到本架🥲刺身隻隻都咁大件終於到和牛寫真啦😂😂我真係開心到每款和牛都影下每款和牛脂肪分布都好靚，我覆桌得最多最中意食嘅係牛肩胛，有咬口，油脂香，VeryGooooodd！其他個啲發揮得都超好！🥳✨俾多幾個胃我同你清晒佢連打邊爐嘅和牛都超有質素✨仲有好多配菜，d丸種類唔多，但係勝在夠特別✨椒麻貢丸麻得黎又juicy，我又真係係出面未食過，所以掛住食就無影相😂😂😂你地想食就記得去試下！最後送上Haagen-Dazs雪櫃寫真！

呢日帶屋企人去食餐好既，我地去左大角咀一間酒店入面既餐廳食任食黑毛和牛火鍋加燒肉放題！我地點左日本熊本A5黑毛和牛二食，呢個餐可以食150分鐘。燒肉方面，有四款唔同部位既黑毛和牛可以選擇。另外亦都有打邊爐既和牛，一樣咁正！除左和牛之外，個餐仲跟埋四點刺身，有蝦、帶子、三文魚同埋生蠔，全部都勁新鮮！放題當然唔少得任食既火鍋料啦，連Haagen Dazs都係任食啊！打邊爐既番茄牛骨湯底都唔錯！我地都食到好飽啊！

上網見到介紹有日本熊本A5黑毛和牛二食放題，仲要可以任食150分鐘，再要配四款刺身，價錢仲要好吸引，忍唔住去左！ 🍴 A5熊本和牛二食 + 四款刺身 ($498/人) ⭐️⭐️⭐️⭐️💫 店員喺我哋一坐低就上咗四款刺身，包括甜蝦帶子三文魚同埋生蠔，款款都好新鮮好肥美，絕對唔係普通放題質素，高質！ 之後就到燒肉，有四款油脂分布勁靚嘅黑毛和牛，有牌仔介紹埋係咩部位！當中我哋最鐘意嘅係A5日本黑毛和牛牛肩胛，真係一放入口就即刻溶化，係一定要encore！其餘嗰d都好重牛味，食得出係靚野🤤 另外套餐仲會有火鍋放題，我哋揀咗胡椒豬肚雞湯鍋，d胡椒味超香，未食已經會聞到！火鍋肉有仼添嘅A5黑毛和牛、牛舌心、豚肉，配埋湯底真係好滿足！另外飲品同配料可以自己出去自由攞，蝦、丸、蔬菜、炸魚皮同麵嗰啲都有。最後甜品仲有Haagen-Dazs 雪糕，食完飽到行唔到！ 真心勁推薦呢一間放題餐廳！性價比好高！ 臨走時仲比我哋發現原來星期一至四所有火鍋放題係二人同行一人半價，呢個質素食到真係好抵！唯一缺點係唔近地鐵站，喺旺角要大概行8-10分鐘先到餐廳。 ‼️ 同埋如果想食呢個燒肉+火鍋套餐記住要預早一日訂位！我地隔離枱因

呢間餐飯係主打日式fusion, set lunch有前菜小食, 沙律, 湯, 主菜包飲品平均$100都唔駛‼️見到成盤前菜上碟嗰吓真心嚇親, 冇諗過前菜都咁豐富😂👉🏻 𝗔𝗽𝗽𝗲𝘁𝗶𝘀𝗲𝗿𝘀🥗🥟羽衣甘藍藜麥沙律日式餃子手拍青瓜雲耳枝豆麵豉湯桃花糕-雖然主菜唔係超大碟, 但係勝在夠高質! 漢堡扒有淡淡和牛香味, 肉味濃郁仲要好juicy😛 意粉係有黑松露同蟹籽撈埋呑拿魚沙律, 食落幾fresh一啲都唔滯😋👉🏻 𝗠𝗮𝗶𝗻𝘀🍝🍱日式和牛漢堡扒溫泉蛋伴飯 $78黑松露蟹籽呑拿魚伴意粉 $108-重點要介紹嘅就係呢啲追加小食同甜品🤩 生蠔大大隻都係$10隻仲可以無限追加😍 口感幾creamy同埋唔算好咸好重海水味🌊 最後最後一定要加返兩球Häagen-Dazs先滿足🥳👉🏻 𝗔𝗱𝗱𝗶𝘁𝗶𝗼𝗻𝗮𝗹🦪🍧生蠔刺身 $10/1Häagen-Dazs $10/2球-🍴8.5/10

今日去澳海城閒逛，到了午飯時間又搵食，上網見到位於帝盛酒店嘅壹壹漁一午餐很不錯，都好近我們，便行過去一試。午餐選擇都算多，每個set 都配有沙律，前菜，湯，餐飲和甜品。前菜有凍餃子，枝豆，麻辣青瓜雲耳沙律菜新鮮翠綠又爽口，配酸甜醋很醒胃。蜆肉麵豉湯，調味剛好，不會很鹹。甜品係耶汁味嘅大菜糕，同平時食嘅椰汁糕口感有點不同。碎蔥拖羅丼 $88賣相很吸引，有層層疊嘅視覺效果。拖羅蓉都有返咁上下厚度，食落啖啖肉，魚蓉鮮甜，加上醬油，鮮味更岀，和香蔥洋蔥🧅非常夾。48度低溫慢煮鮭魚佐甜椒醬伴紫麥麵 $98即三文魚扒，一部份外皮烤至脆口，帶煙韌，魚肉嫩滑。低溫慢煮至熟透，保留更多營養，肉質亦較juicy。甜椒醬配三文魚有驚喜。冷紫麥麵，紫色好靚，麵條煙韌彈牙！跟餐就可加小食刺身，生蠔每隻都係十蚊，真係好抵食，所以都叫左半打試下。大大隻，新鮮厚肉，食落creamy，海水味重。再以一杯熱即磨咖啡作結，很滿足呀。

星期六係美好既一日❤️所以搵左間好既餐廳去配合好既心情🤣.酒店既餐廳果然係好啲🤗環境不錯，再加上侍應服務態度真係一流😊佢會主動黎推介我地聽有咩好食🤣.🐮日式和牛漢堡扒溫泉蛋伴飯 $78比個和牛漢堡扒吸引住😇但個漢堡扒兩細塊🤗唔會話好多😂唔會話好肥🤗好香口添❗️配埋溫泉多，啲飯仲好滑身💯.🐽柳橙辣味醬汁佐慢煮豬梅柳 $88慢煮豬不嬲都係好嫩口😋配上柳橙辣汁，酸酸甜甜既感覺😍好開胃😂個汁其實一啲都唔辣🤫配菜方面用左蕃薯條🍟岩岩炸起，熱辣辣♨️我個人中意薯條都係點茄汁🤣

去市集開會之前食個lunch， Partner介紹來食，係Dorsett 酒店2樓。午飯時間都唔少人，有媽媽帶住小朋友同工人姐姐黎食，亦有朋友黎食。午餐幾多選擇，有日式有西式，我揀左火炙魚生飯包埋3式前菜，沙律，湯和飲品。前菜有巨峰提子味車厘茄，去皮車厘茄酸酸甜甜又多汁好開胃。黑松露雞蛋卷香滑可口。沙律有羽衣甘藍，紫椰菜粟米粒等等蔬果好新鮮加埋酸甜醬汁忌廉薯仔湯香滑濃郁幾好味。火炙魚生飯擺盤有心機，醬汁係帶有wasabi 味既唔使額外再點wasabi，有三文魚，帶子，鰻魚，經火炙後增添左焦香。仲有有炸牛蒡，芝麻，水蘿蔔等等配菜加埋一齊清新又香口。提供口罩袋夠貼心。環境幾舒適安靜見到晚餐有sabusabu好似都幾好，下次可以帶埋大帝黎試下。

餐廳很不就腳，食物質素尚算ok , 價錢百幾元一個set lunch , 另可加錢 order oyster , ice cream , 但服務有待改善，每樣服務都要重複叫兩次，每一次都要等，最後已不想等了，要取消order 😢, 一肚氣。

呢間係喺大角咀帝盛酒店嘅餐廳壹壹漁一，環境非常好，係以一個午市套餐嘅形式食午餐的。價錢都係在$100左右，配上極多唔同嘅配菜，係物超所值嘅午餐！-✨六款前菜每一個套餐都配有六款唔同嘅前菜，每一款錢財都非常精緻同埋好有特色，包括有泡菜，冬陰功湯，豆腐甜品，知豆，蘿蔔牛腩，沙律-✨火炙魚生飯($98)火炙魚生飯嘅賣相非常出眾，係一個圓柱體嘅形狀。上面嘅魚生有火炙三文魚，火炙帆立貝同埋蒲燒鰻魚。旁邊伴碟仲有餐廳特製嘅Wasabi醬，食落非常惹味！-✨蒲燒鰻魚伴燒飯團($98)上面有一大條蒲燒鰻魚，用咗炭烤嘅方式嚟製成，有一種好獨特嘅焦香味道！飯團係用咗燒汁將周邊煎到脆卜卜，配上紫菜同埋芝麻，真係好好食😋😋

多得朋友介紹! 先可以黎到依家性價比好高既餐廳!💁🏻‍♀️價錢唔算貴，但野食質素都幾好! 值得推介一下🥳前菜:開胃沙律配上青瓜木耳🌱食落酸酸甜甜! 未食正餐既我已經提高晒我既食慾!👀🍲麵豉湯配埋花甲係有心思既組合，因為好多時都係配一塊昆布就算。🤭而且粒花甲仲大大粒😍支豆就冇乜特別；餃子同個迷你大菜糕就正常，可能個沙律同青瓜木耳搶晒風頭🤪🐂主菜1 : 香蔥溫泉蛋和牛飯 $98個擺盤就好靚🥰🥰有少少唔捨得食😂溫泉蛋流落來果下好正😍和牛份量好足料，加埋其他配菜相當好食!🤤🍚主菜2 : 日式和牛漢堡扒溫泉蛋伴飯 $78依份雖然同上面主菜好似，但味道上完全唔同；師傅煎依個和牛扒果時煎到好香口!😋調味方面都好足👏🏻👏🏻仲有芝麻紫菜鋪面😻😻不過兩塊對我黎講就唔夠喉🙈多一塊會好少少! 🤩🍹荔枝紅茶 - 清甜可口，入面仲有一粒大大荔枝係度! 勁甜🥰☕️拿鐵 - 稍為中規中矩既飲品，唔算話有特別大驚喜。😆甜品: 食到後面其實已經好飽😂但因為間餐廳只需要加$10就可以有兩球哈根大師既雪糕! 所以忍唔著都加埋!🍨焦糖脆餅: 偏甜，有唔少餅碎係入面! 口感好好😋鐘意甜既朋友真係岩曬💁🏻‍♀️🍦香檸雪葩: 極重檸檬味，