名館 (已結業)

第一次食，晚餐時間滿座，好在有預約，即刻入座。餐廳就係希慎廣場入面，位置勁方便。睇睇餐牌，選擇都非常多，前菜燉湯小菜甜品，連點心都有。餐廳環境舒適，空間感十足，同朋友一齊飲茶傾計都十分合適。陳醋珊瑚紅海蜇頭好有氣勢，d煙係源源不絕，岩曬我呢d相機食先。海蜇份量十足，加埋陳醋，酸醋凍凍，好開胃。太極馬拉糕好得意，用馬拉糕砌成太極，馬拉糕唔係間間餐廳都做得好，但呢間餐廳都幾好，火喉控制得好，馬拉糕亦好香好鬆軟。雪茄鮮蝦春卷賣相好靚，真係好似雪茄。春卷即叫即整，熱辣辣好好食。水蜜桃咕嚕肉餐廳好重本用上水蜜桃而唔係用菠蘿，水蜜桃同d汁都非常夾，酸酸甜甜，水蜜桃亦非常多汁。咕嚕肉有炸過帶脆身，而且係柳肉唔係排骨，無骨食得好方便。黑金蒜扣豬手豬手煮得剛剛好，彈牙唔會過淋或過硬，份量好多，骨膠源十足。自家製豆漿豆漿有豆味唔甜，幾好。