名館 (已結業)

舊同事飲聚，梗係要揀間好坐好食既餐廳，先可以食得開懷，傾得暢快。之前有朋友介紹過名館，決定試下佢。整體來講，哩間係精緻既粵菜，無論味道、賣相都係好出色，好推薦試下。陳醋珊瑚紅海蜇頭先來個頭盤涼菜，首先用視覺效果驚艷我地，大家都即刻用電話食先。味道係正正常常，賣相贏曬。蒜泥白肉非常惹味，咁啱我都好鐘意蒜，d蒜又唔會太辣，推薦！石鍋鮑魚雞粒飯哩個飯都炒得幾好味，又唔會咸，亦都唔會太油，而飯係粒粒都有染到色既。食食下係有發現到迷你鮑魚，好可愛！XD葱油餅哩個我過左一陣先食，仲唔到外皮都仲脆，我覺得份量都大，如果少人既話就唔建議點，一人食兩件應該好“漏”下。點心盤！咩都有d，都可以單點既點心盤-黑金流沙包其實係黑色既流沙包，哈哈，同埋真係會流架，有內涵又有樣！點心盤-兔仔賣相非常可愛，小朋友應該會好鐘意，味道就無咩特別，記得係紅豆餡。蜂蜜柚子蝦球十個贊！蝦球既外層係脆脆既，味道甜甜又有柚子香，好清新好爽口，再來都一定點！小籠包，ok的菠蘿包，餡真係有菠蘿 哈馬拉糕，鬆軟👍🏻五個人點左好多野都食唔曬，平均17x一人，價錢都唔算貴了，畢竟質量係擺係度。食到飽飽，大家都心滿意足咁拍拍肚離開 ^ ^