影片
更多
2019-07-10
1483 瀏覽
為家人慶祝生日🌟屋企人都係🤤為食之人知道喜來登酒店天寶閣退休👨🏻🍳總廚係時代廣場新開咗間粵菜餐廳，於是即刻book位黎試下菜。..餐廳設計非常有氣派同格調，一入門口先有一棵松樹做裝飾，用鯉魚做牆身嘅設計圖案，同餐枱擺設嘅金魚龍蝦圖案，相得益彰。餐廳總共有三間大房，每間房都擺放左一張坐到大約10人嘅大枱。大廳亦都設有四人至六人枱有長方形或者係圓形枱。迎合唔同客人嘅需要。另外餐廳嘅燈光效果亦都值得一讚，唔會太光亦唔會太暗，氣氛非常好。..餐廳以即烤乳豬、叉燒同鯊魚花膠做主打，喺餐廳門口位置都會見到為師傅喺度即烤乳豬。.呢度嘅餐前小食非常有噱頭，係極少見嘅空運到港新鮮杞子。味道有啲似藍莓果肉，先大甜後有一點點回甘嘅味道。.⭐️ 水晶花膠凍 HKD98桂花啫喱帶一點酸味同花膠果凍非常匹配。.⭐️芝士焗蟹蓋 HKD78 非常濃郁嘅芝士味，蟹肉嘅份量都足夠而且價錢算幾平.⭐️無花果極品黑叉燒 $128 .呢款黑叉燒同平時食到嘅唔同，感覺似食緊五花腩，無花果叉燒醬同叉燒嘅味道好夾，香濃中帶點甜。旁邊仲有魚子醬做伴碟，不過，黑叉燒嘅味道本身已經非常之濃郁，所以即使有魚子醬相伴都食唔出魚子醬嘅味道。.🌟 即
屋企人都係🤤為食之人
知道喜來登酒店
天寶閣退休👨🏻🍳總廚係時代廣場新開咗間粵菜餐廳，於是即刻book位黎試下菜。
.
.
餐廳設計非常有氣派同格調，一入門口先有一棵松樹做裝飾，用鯉魚做牆身嘅設計圖案，同餐枱擺設嘅金魚龍蝦圖案，相得益彰。餐廳總共有三間大房，每間房都擺放左一張坐到大約10人嘅大枱。大廳亦都設有四人至六人枱有長方形或者係圓形枱。迎合唔同客人嘅需要。另外餐廳嘅燈光效果亦都值得一讚，唔會太光亦唔會太暗，氣氛非常好。
.
.
餐廳以即烤乳豬、叉燒同鯊魚花膠做主打，喺餐廳門口位置都會見到為師傅喺度即烤乳豬。
.
呢度嘅餐前小食非常有噱頭，係極少見嘅空運到港新鮮杞子。味道有啲似藍莓果肉，先大甜後有一點點回甘嘅味道。
.
⭐️ 水晶花膠凍 HKD98
桂花啫喱帶一點酸味同花膠果凍非常匹配。
.
⭐️芝士焗蟹蓋 HKD78
非常濃郁嘅芝士味，蟹肉嘅份量都足夠
而且價錢算幾平
.
⭐️無花果極品黑叉燒 $128
.
呢款黑叉燒同平時食到嘅唔同，感覺似食緊五花腩，無花果叉燒醬同叉燒嘅味道好夾，
香濃中帶點甜。旁邊仲有魚子醬做伴碟，不過，黑叉燒嘅味道本身已經非常之濃郁，所以即使有魚子醬相伴都食唔出魚子醬嘅味道。
.
🌟 即燒無花果天下第一豬 例HKD168
.
係陳小麒師傅招牌菜同埋餐廳推介菜式👍🏻，當然要一試，乳豬皮烤得非常薄脆，乳豬嘅脂肪同肉嘅比例都剛剛好，再配合嘛無花果乳豬醬，無花果嘅甜味同乳豬醬配合得啱啱好！呢個配搭不愧為天下第一豬！
🌟🌟濃湯花膠佛跳牆 HKD188 每位
.
呢款燉湯嘅食材非常豐富，有鮑魚花膠竹笙松茸等，味道濃郁。飲完之後令人熱血沸騰，非常進補。
.
⭐️木藏牛 HKD188
.
呢款餸亦都係餐廳推介，原隻木瓜藏起炆好嘅牛腩，再由侍應將木瓜切開。視覺效果滿分💯。味道方面就係不過不失嘅炆牛腩，木瓜味同埋牛腩既味道感覺又唔係好相連。但賣相就非常給吸睛♥️
⭐️玫瑰燒焗銀鱈魚 HKD328
.
上菜嘅時候我哋全家人都忍唔住舉起相機，要拍低呢一道好似藝術品一樣美麗嘅餸菜♥️
銀鱈魚用咗半焗半炸嘅烹調方法，食落口除咗有魚香味，仲有非常濃郁嘅玫瑰酒甜味。係非常香口嘅菜式！
⭐️鮑汁花膠撈飯 HKD168
🌟🌟總括嚟講，食物嘅質素同價錢成正比，以呢個商場既中菜餐廳黎講價錢合理。餐廳嘅佈置同裝修食物嘅擺盆都有非常高嘅分數。非常適合宴客請朋友食飯或者慶祝，相機食先，打卡滿分。
.
不過服務員嘅服務質素就有待改善，當晚嘅人流唔算多，我哋點嘅餸菜款式亦較多，可惜中途都冇主動幫我地換碟，換茶壺加水嘅次數亦都很少。途中有一位親友倒瀉水，服務員只係攞走隻水杯，但冇將枱面嘅水抹走，所以枱面一直都係濕同有水嘅。
.
咁靚嘅裝修環境同食物，但服務質素就餐小小有點可惜。
張貼
