Chez Bistro (已結業)

前晚同好朋友預祝聖誕節，專登訂左公司附近既呢間西餐廳。可能我地訂得早，6點半就到，當時餐廳內得一兩枱，環境好寧靜，適合兩個人撐枱腳傾下計，裝修簡單得嚟有格調，雖然暗暗地，但都感覺好乾淨，放心用餐。晚餐有面包、前菜、湯、主菜、甜品同餐飲。我地今次前菜就揀左Tuna Tata 同蒜蓉白酒煮法國藍青口， 個Tata 配埋泰國金柚好，味道甘甜清新，好醒胃!藍青口，蒜味同白酒真係好夾，而青口都比平時食到既急凍貨色要高質，爽口啖啖肉，雖然唔係隻隻都肥美，平均來講都係高質級別! 湯就係磨菇湯，好香濃，而且細滑!主菜，就係安格斯西冷同西班牙豚骨，兩份肉都好Juicy, 西冷仲有3款醬汁選擇，自選加或唔加既，我就鍾意原汁原味! 豚骨既醬汁似沙律醬，同ribs 好夾，仲有伴碟既大啡菇，個汁惹味得嚟又唔到搶左菇本身既味，配肉食可以refresh 下，唔會"膩滯"。重點我要推介甜品，窩夫必食!!香脆甜! 只係隔離枱拎過都已經聞到好香，而且一咬落去，脆到估佢唔到! 個雪糕又滑又濃，唔知係咪自家制呢！窩夫絕對係Encore 之選! 另外，個自家制Cheese cake 都好出色!仲要提下服務質素，侍應會每上完一個