影片
更多
2005-05-19
116 瀏覽
世上係冇永遠贏的道理。精英大師跑輸個日下午﹐同媽咪去做腳底按摩﹐一邊按腳一邊看電視﹐本來已經將電視轉到非賽馬節目﹐但唔知幾時﹐有人轉左睇跑馬﹐結果迫住睇埋精英大師點樣輸。晚上又好蹺﹐約了朋友去馬會食飯。馬會的滿貫廳裝修舊舊地﹐坐的椅子唔算好舒服﹐當日的賽事已經完結晒﹐外面熄晒燈﹐看不到馬場﹐後來隔離的香港足球會開了一點燈光﹐有人練習﹐才可以看到綠油油的草地。兩個人叫了﹕炸軟殼蟹($48)、蝦米粉絲雜菜煲($78)、豆酥魚($128) 、招牌甜品併盤($25)和蛋黃糯米滋($16)。軟殼蟹幾惦﹐蟹肉鬆軟﹐外皮香脆﹐這碟雖然是前菜﹐但都有五、六塊﹐幾抵食﹐但我唔知道點解炸軟殼蟹會當係前菜﹐應該係主菜黎丫嗎。粉絲雜菜煲就麻麻喇﹐菜的種類唔多﹐選料亦唔係好新鮮﹐湯底亦唔鮮甜。至於豆酥魚﹐我係因為鍾意食北京樓的豆酥魚才叫的﹐但條魚來到完全唔係北京樓的整法。人地北京樓的豆酥是軟身香口的﹐而滿貫聽的豆酥卻是炸過的麵粉加蒜蓉﹐完全同條魚唔配合﹐魚肉亦太硬身﹐唔夠鬆化﹐魚下面重墊住好多粉絲﹐但粉絲亦係做得太乾身。招牌甜品併盤即係合桃露加蓮蓉/蛋黃糯米滋﹐合桃露一般﹐但蓮蓉/蛋黃糯米滋就太黏口了﹔朋友亦覺
馬會的滿貫廳裝修舊舊地﹐坐的椅子唔算好舒服﹐當日的賽事已經完結晒﹐外面熄晒燈﹐看不到馬場﹐後來隔離的香港足球會開了一點燈光﹐有人練習﹐才可以看到綠油油的草地。
兩個人叫了﹕炸軟殼蟹($48)、蝦米粉絲雜菜煲($78)、豆酥魚($128) 、招牌甜品併盤($25)和蛋黃糯米滋($16)。
軟殼蟹幾惦﹐蟹肉鬆軟﹐外皮香脆﹐這碟雖然是前菜﹐但都有五、六塊﹐幾抵食﹐但我唔知道點解炸軟殼蟹會當係前菜﹐應該係主菜黎丫嗎。
粉絲雜菜煲就麻麻喇﹐菜的種類唔多﹐選料亦唔係好新鮮﹐湯底亦唔鮮甜。
至於豆酥魚﹐我係因為鍾意食北京樓的豆酥魚才叫的﹐但條魚來到完全唔係北京樓的整法。人地北京樓的豆酥是軟身香口的﹐而滿貫聽的豆酥卻是炸過的麵粉加蒜蓉﹐完全同條魚唔配合﹐魚肉亦太硬身﹐唔夠鬆化﹐魚下面重墊住好多粉絲﹐但粉絲亦係做得太乾身。
招牌甜品併盤即係合桃露加蓮蓉/蛋黃糯米滋﹐合桃露一般﹐但蓮蓉/蛋黃糯米滋就太黏口了﹔朋友亦覺得冇她上次來咁好食。
至於我要了蛋黃糯米滋﹐裡面的蛋黃過甜﹐又係做得太黏口﹐外面鋪滿椰絲﹐原來朋友和我都唔鍾意食椰絲的﹐結果每人勉強食了一個。
茶芥每人$10另加一﹐但唔可以比貼士﹐埋單的時候侍應竟然冇拿單來﹐只係問我地是不是會員同比現金或信用卡。碌完卡後﹐侍應將信用卡單和結賬單拿比我﹐結賬單上面印著﹕Strictly no tipping。幾好呀﹐在馬會滿貫廳﹐可以問人拿貼士﹐但就絕對唔可以比貼士。
圖片係賣相和味道都頗差的豆酥魚。
張貼
