Plato Cafe & Bistro (吳松街)

佐敦吳松街Plato Cafe & Bistro係晚餐約會嘅好地方。舖頭開揚寬敞，坐得舒服。精選二人套餐份量適中，食物美味，價錢合理。意大利蕃茄湯味道濃郁，酸酸的很開胃。頭盤天婦羅魷魚鬚魷魚好新鮮，炸得很脆，好好食。龍蝦汁虎蝦意大利飯，朋友讚不絕口，佢話啲飯好入味，好有龍蝦味，虎蝦都好鮮甜，擺設都好吸引，份量好多。西班牙黑毛豬鞍架，我十分欣賞，厚切嘅豬扒煎得兩面金黃又脆，肉質鮮美，完全熟透，但好腍滑。廚師的功夫了得。黑毛豬嘅品質非常好。我好鍾意飲佢杯意大利即磨咖啡，奶香滑咖啡味濃，而且都幾大杯。食完呢餐咁滿足嘅飯仲有Movenpick雪糕同埋芝士餅，給呢個晚餐劃上一個完美嘅句號。