華麗耆素 (已結業)

今日去左火炭一間素食館, 見佢傳單上有不同的素食及說到是支持長者就業的社企餐廳,就決定去一試, 環境都算唔錯, 坐得幾舒服, 意外的是長者們都好有活力,同埋佢地服務態度好好呀J佢地每日都有唔同既湯任飲, 今日湯料有老王瓜, 雖然係素湯, 但滾出黎反而比起有用肉煲更鮮甜, 個湯正呀XD佢地每日都有唔同的精選餐, 今日嘗試了白汁蘑菇素雞排意粉, 白汁味道就淡左小小, 不過素雞排可以話係重頭戲, 一聞到就覺得好香,, 再加上煎得非常香口, 但味道反而同煎魚餅更相似,哈哈