Lex Coffee (已結業)

同同事去咗堅尼地城搵食😋，嚟咗呢間糅合藝術品嘅精品咖啡館🖼。 🦐大蝦意粉 $158 🐙慢煮西班牙八爪魚 $68 ☕️藝術打印咖啡 $88 🍌海鹽朱古力香蕉冰雪世界 $68 🥧斯人若彩虹，遇見方知有 $98 🍮意式tiramisu $68 見大蝦意粉幾多人叫就叫咗，意粉旁有大蝦六隻，都幾爽口彈牙，茄汁幾入味。 個八爪魚脆脆地幾好味，仲可以放上去麵包一齊食。 杯Artsy Print我揀咗朱古力🍫，打印面有幾種圖案可選，而我就揀咗村上隆嘅七彩太陽花🏵。另一杯有香蕉加埋朱古力，飲落口散發濃厚嘅香味。 個麵包名稱好有詩意，其實係朱古力榛子醬、士多啤梨、杏仁片、棉花糖、鮮花、薄荷片，食落口感好豐富，不過有啲難切，一切啲生果就走晒出嚟。 tiramisu有香濃嘅咖啡同酒味，好味，高質。 樓底超高好有空間感，坐住感覺都舒服啲，牆身亦有好多地方做展覽擺放藝術品，喺寸金尺土嘅香港，要搵樓底咁高仲擺埋藝術品應該只此一家🥇。