方太糕品舖 (已搬遷) 新店位置

路經上海街，見一長長人龍，上網查下，果然是著名糕品店，見有時間便去排隊。糕品款式多，睇落也不錯，$18/3件，都好大件，只供外賣，部份熱品如桂花糕就售完，要等1小時才出爐。店員服務佳，對長者都好有耐性，有一婆婆口齒不清，店員仍細心聆聽，可惜仍未聽懂，雖然客多，他仍逐一糕品，用手勢詢問要多少件。芝麻糕 - 有芝麻香味，口感不錯。比完$才見有芝麻卷，下次有機會試下。馬荳糕及馬蹄糕 - 足料，煙煙韌韌，好味不錯。缽仔糕 - 紅豆份量多，有咬口，但稍硬。