大記攦粉糕點專門店

營業中

休息中

大記攦粉喺太子已經有好耐歷史， 佢出名嘅攦粉就好似粗嘅米粉， 咬落比米粉更加煙韌。 攦粉配搭有好多款， 我個人比較鍾意食淨攦粉， 雖然冇特別嘅配料， 但都有少量嘅配菜和肉絲， 比較適合我呢一種唔太食肉嘅朋友可能因為我真係好鍾意食湯麵嘅關係， 呢碗湯攦粉雖然比較清淡， 但係一碗淨粉只不過係20蚊， 又飽肚，又抵食 屋企人叫咗一碗有炸魚腐和炸雲吞嘅攦粉， 魚腐同雲吞都好食其實大記攦粉出名嘅仲有佢嘅糕點， 例如砵仔糕，芝麻糕，桂花糕等等， 食完飯之後我仲外賣咗黃糖砵仔糕同芝麻砵仔糕， 返到屋企食我覺得都係一般般啦， 下次再去都會主要幫襯佢嘅攦粉