糕點時光

營業中

休息中

北角有間隱世小店，由2021年創辦，致力保留糕點文化，同時聘請金齡婦女，希望為佢哋提供就業機會。店內環境打造成舒適休閒空間，而食物方面行精緻路線，除咗有多款懷舊糕點之外亦加入台式同港式風味嘅主食，貼近年輕人口味，務求滿足客人醫肚同打卡嘅需求。招牌菜為懷舊糕點九宮格拼盤，糕點款式會因應每日供應情況而更改。當日有流心芝麻卷、兩款糯米糍、雙薯流心西米糕、大菜糕、紫薯椰汁糕、黑芝麻糖、花生糖同叮叮糖。擺盆精美，細細一份，方便食用，全部低糖唔甜，老少咸宜，建議每人叫一盤，當下午茶食就啱曬。其他菜式則加入新派元素，仲好有造型感添，玩味剝皮橘子包賣相十足，搣開橘子皮就見到果肉，裡面包住乳酪內餡，淡淡香氣，玩得又食得、熊貓流心芝麻包自家製，咬落爆漿，熱辣辣好味道、桂花酒釀丸子有獨特嘅甜香同微微酸味、而雙色水晶大菜糕帶咬口，各有千秋。