樂都堂水 (已結業)

今日約左去朋友會所玩，行出屋苑見有間「堂水店」不妨一試啦！見餐牌選擇不多，但就主打糖水，睇左一陣先睇得明咩叫膽拖糖水🤭🤭🤣膽拖自選糖水原來膽拖即係先要揀一款主要糖水，然後就可以揀多款唔同配料咁解。。。我點左紅豆沙配湯丸，芋圓，桃膠，芒果同雪燕。紅豆沙唔太甜，非常起沙，有古早味；芋圓一睇就知係手工，口感唔夠Q,但就食得出原汁原味；雪燕口感非常正，好似燕窩，仲拉得出絲添；桃膠有煙韌口感，微甜；芒果正常；湯丸皮薄，芝麻餡味道唔錯喎。一次過食到咁多樣野好滿足，不過一個人食就真係會太飽，早知足埋個Friend黎食。