影片
更多
2017-04-08
298 瀏覽
收工肥髀想食糖水，記起呢間嘅糖水未試過，特登過來買，地點唔就腳，門面幾大，門外玻璃已貼咗好多餐牌同相片，中西式糖水都有！入內地方幾大，淺木傢具光鮮，櫃檯上仲有好多甜品圖片，好吸睛！ 入內櫃臺落單比錢！即叫即做！因為我一冷一熱，店員將兩樣分開袋！雖然窩心，不過兩小袋攞起來唔方便！楊枝甘露加芒果布甸（$48）肥髀食，楊枝甘露好濃，落得幾足料，糖水蓋住一個芒果布甸，好滑溜彈身！肥髀話好味！烏豆桑寄生茶+蛋+蓮子（$35）自己知道桑寄生有益，第一次食呢個配搭！深褐色糖水，飲落微甜，帶啲桑寄生嘅甘香，味道溫和易入口，唔會似飲苦茶，烚雞蛋索咗糖水嘅顏色，咬開蛋白好嫩滑彈牙，一啲都唔老，蛋黃我無食！沉底嘅黑豆有咬口，味道好淡，食唔到，蓮子大粒，索晒糖水，質地有咬口！整體味道好味！店員有禮斯文，我落單後在店內坐低等都無問題！幾nice!銅鑼灣糖水又一好選擇！
入內櫃臺落單比錢！即叫即做！因為我一冷一熱，店員將兩樣分開袋！雖然窩心，不過兩小袋攞起來唔方便！
12 瀏覽
0 讚好
0 留言
9 瀏覽
0 讚好
0 留言
9 瀏覽
0 讚好
0 留言
16 瀏覽
0 讚好
0 留言
店員有禮斯文，我落單後在店內坐低等都無問題！幾nice!
銅鑼灣糖水又一好選擇！
張貼
