糖老鴨 (已結業)

因為好少入黎大埔，所以叫朋友帶我去食只有大埔先有嘅甜品店。呢間野個名叫糖老鴨好有創意哈哈，menu見到有好多款心太軟同埋waffle，應該係呢度嘅主打。揀完一輪最後揀咗朱古力心太軟配雪糕，雪糕可以選擇雲呢拿/朱古力/曲奇味。因為心太軟係即叫即做，所以大概要等20-25mins。個心太軟比想像中細，最期待就係切開之後會有朱古力醬流出黎。不過應該係整嘅時間太長，所以我呢個心太軟冇朱古力醬流出黎，即係有少少失望🙁好彩旁邊嘅雪糕挽回不少分數，雖然只係普通嘅雲呢拿味，但係巧妙咁用甜筒做成一定帽，再加埋2隻眼，即刻加分。