粉紅水門雞 (中海日升中心) (已結業)

📍粉紅水門雞 食泰國嘢唔一定要去九龍城，喺觀塘最近發現咗一間糧尾嘅救星，超級平民價錢，性價比好高，兩個人食到超級飽都係$200左右～👅 粉紅水門雞飯油飯配冬瓜雞湯及椒鹽粟米海鮮餅 $46呢一個套餐真係冇得頂，雞嘅份量唔少，油飯都係粒粒分明，最欣賞佢哋個醬汁，辣得來又唔會食唔到，好重泰國香料嘅味道！冬瓜雞湯好有住家感覺，椒鹽粟米海鮮餅幾香口，呢個價錢絕對冇嘢批評😋👅牛三寶船麵 $52成餐飯我哋最鍾意呢個船麵，個湯底超級正，可能第一啖會覺得有啲辣，但係食落去你會停唔到，牛三寶有牛舌、牛筋同埋牛肉，全部都好有誠意🥹牛筋超級淋，牛舌同牛肉都唔失禮，下次再過嚟我都會叫呢一個🤤👅香滑滷水雞腳 $18雖然唔係個個都食雞腳，但係如果你鍾意食雞腳，你一定要叫呢一個，冇諗過喺泰國餐廳食到咁好食嘅滷水雞腳😳完全係骨膠原嘅感覺，仲有啲咬口，超正，滷水味啱啱好💘👅馬拉盞通菜 $26過口癮，馬拉盞份量都唔少，兩個人share啱啱好👅芒果糯米飯 $23食到超級飽，都仲想食個芒果糯米飯，一杯仔每人兩三啖，滿足晒！👅D24榴槤mochi $8都幾煙靭，呢個價錢，入面有真榴槤都算係咁🤣👅冰鎮泰式奶茶 $14超正，佢唔係加