影片
更多
2018-12-21
1203 瀏覽
有朋友有睇開小弟嘅食評，首先好多謝支持，其實都喺啲拙作而已，寫嚟當喺人生「搵食」日誌，實在見笑。佢哋話羨慕小弟不時食好嘢，查實亦不時食啲普通嘢無寫啫，麥記、大家樂、大快活……等等快餐店一樣會去幫襯，但食得多又真喺無咩特別嘢好寫。既然喺咁，今次迤迤哋咪寫番篇「南記」囉！「南記」確實喺幾心水嘅粉麵店之一，抵食夾大件，份量十足無欺場。小弟今次揀咗招牌辣豬肉春卷米線（$46），但走辣，一碗米線並已配有腐皮、芽菜、韭菜、酸菜等配料。雖然話喺豬肉，仲喺腩位，不過，「南記」嘅豬腩肉一向唔肥，順紋薄切，理所當然入口唔會韌，而且，滷得入味；春卷以魚肉做，咬口得嚟帶少少爽彈，而且，唔會食到一口粉嘅來貨貨色；米線唔使多講，份量多，口感滑，襯以多種配菜，好食。「南記」咩時間都旺，午飯時間更排長龍，除咗質素外，定價相宜，喺唔少人嘅糧尾救星呀！
「南記」確實喺幾心水嘅粉麵店之一，抵食夾大件，份量十足無欺場。小弟今次揀咗招牌辣豬肉春卷米線（$46），但走辣，一碗米線並已配有腐皮、芽菜、韭菜、酸菜等配料。
雖然話喺豬肉，仲喺腩位，不過，「南記」嘅豬腩肉一向唔肥，順紋薄切，理所當然入口唔會韌，而且，滷得入味；春卷以魚肉做，咬口得嚟帶少少爽彈，而且，唔會食到一口粉嘅來貨貨色；米線唔使多講，份量多，口感滑，襯以多種配菜，好食。
「南記」咩時間都旺，午飯時間更排長龍，除咗質素外，定價相宜，喺唔少人嘅糧尾救星呀！
張貼
