影片
更多
2018-06-16
3234 瀏覽
唔知大家睇蘋果動嗰果籽，有冇見過呢個藍色嘅砵仔糕呢？小編睇完之後就真係超級有興趣，所以一放sem break就即刻飛咗去試。由於端午節就尼到，所以同場加影試埋隻糭。呢度嘅砵仔糕有分兩種，一種係迷你砵仔糕，而另一種就係正常size既砵仔糕。但係如果係想試晒咁多種味嘅話小編建議可以比多少少錢買正常size既砵仔糕，因為迷你砵仔糕定價偏貴，相比之下買一個大嘅砵仔糕會比較抵。🍴四色迷你砵仔糕迷你砵仔糕細細舊可以一啖一個，不過砵仔糕既紅豆就比較少。1️⃣蝶豆花砵仔糕尼到最出名既一定係尼個藍色既蝶豆花砵仔糕。雖然係人都知蝶豆花係冇味，純粹係得隻色，但唔知點解砵仔糕入口又真係好似覺得味道比較清甜。口感方面砵仔糕就屬於係比較爽口同帶有少許煙韌。個人就覺得非常一般，真係純粹講gimmick。2️⃣金盞花砵仔糕金盞花口味嘅砵仔糕小編都係第一次聽，砵仔糕隻黃色都幾黃下，都好適合打卡。不過小編今次買嘅呢個金盞花砵仔糕就唔夠新鮮，成件砵仔糕都嚴重出水。而且唔多食得到有金盞花既味道，只係食得出有好重既粘米。至於砵仔糕個口感方面就比較黏口，個人就覺得好一般。3️⃣斑蘭葉砵仔糕斑蘭葉砵仔糕雖然都有少少出水，但口感就比金盞花砵仔糕
由於端午節就尼到，所以同場加影試埋隻糭。
呢度嘅砵仔糕有分兩種，一種係迷你砵仔糕，而另一種就係正常size既砵仔糕。但係如果係想試晒咁多種味嘅話小編建議可以比多少少錢買正常size既砵仔糕，因為迷你砵仔糕定價偏貴，相比之下買一個大嘅砵仔糕會比較抵。
四色砵仔糕
$22
136 瀏覽
4 讚好
0 留言
🍴四色迷你砵仔糕
迷你砵仔糕細細舊可以一啖一個，不過砵仔糕既紅豆就比較少。
1️⃣蝶豆花砵仔糕
尼到最出名既一定係尼個藍色既蝶豆花砵仔糕。雖然係人都知蝶豆花係冇味，純粹係得隻色，但唔知點解砵仔糕入口又真係好似覺得味道比較清甜。口感方面砵仔糕就屬於係比較爽口同帶有少許煙韌。個人就覺得非常一般，真係純粹講gimmick。
2️⃣金盞花砵仔糕
金盞花口味嘅砵仔糕小編都係第一次聽，砵仔糕隻黃色都幾黃下，都好適合打卡。
不過小編今次買嘅呢個金盞花砵仔糕就唔夠新鮮，成件砵仔糕都嚴重出水。而且唔多食得到有金盞花既味道，只係食得出有好重既粘米。至於砵仔糕個口感方面就比較黏口，個人就覺得好一般。
3️⃣斑蘭葉砵仔糕
斑蘭葉砵仔糕雖然都有少少出水，但口感就比金盞花砵仔糕好，雖然佢都有少少黏口，但個種黏口就係介乎於黏同爽既中間。另外砵仔糕入口都可以食到有輕微既斑蘭味，而且亦都唔會太甜，相對會比較好食。
4️⃣黃糖砵仔糕
黃糖砵仔糕係傳統既口味，所以亦都係做得比好。黃糖味香但唔會好甜。砵仔糕既口感亦比較煙韌同爽口，算係不過不失啦！
雖然佢哋呢度最出名嘅係盧兜糭，不過小編對盧兜糭嘅認識好少，所以就決定唔試住。今次就決定試吓一個甜糭一個咸糭先，分別就試咗個人比較有興趣嘅健康糭同埋桂花紅豆糭。
豬肉雜豆健康糭
$40
182 瀏覽
0 讚好
0 留言
🍴豬肉雜豆健康糭
呢個雜豆健康糭有分有豬肉版同冇豬肉版，不過個人覺得有豬肉好似冇咁單調，所以今次就買咗有豬肉嘅雜豆健康糭。
糯米飯上面有好香嘅糭葉味，糯米飯亦都夠黏口。而個糭裏面真係有好多唔同種類嘅豆，雖然佢係叫雜豆健康糭，但估唔到裏面竟然都有蛋黃係到。D雜豆嘅軟硬度適中，所以入口嘅時候口感亦都好豐富。而且呢隻糭嘅糯米口感比較黏。另外喺隻糭裏面都仲有一舊豬肉，不過豬肉就比較肥，入口即溶，同個雜豆糭一齊食真係超級夾架！
豆沙桂花紅豆糭
$36
167 瀏覽
0 讚好
0 留言
🍴豆沙桂花紅豆糭
雖然係好多唔同嘅鋪頭都有推出豆沙糭，不過豆沙配合桂花紅豆咁樣一齊出就真係第一次見。印象中美心都好似有一個桂花豆沙糭，不過小編就冇試過。
桂花混入左係個糯米當中，所以糯米入口有好香嘅桂花味。而且係糯米當中夾雜着有少許嘅紅豆，所以口感亦都算相當豐富。喺個糯米中間有個豆沙餡，豆沙味都尚算突出，不過就略為甜左少少。而且夾埋個桂花糯米一齊食的話，豆沙既味會蓋過左桂花嘅香味。另外呢隻糭有個問題就係嗰啲糯米壓得太實，所以桂花糯米入口會比較失色。
張貼
