街知巷聞 (已結業)

同太座行旺角，之後去朋友家竹戰，總不能「兩梳蕉」的去探人家，見在這裡有間小舖頭賣糕點及糯米滋的，就來買兩盒去做手信。米睇佢舖仔細細又不大起眼，都幾多人圍住在買糕點的。買左好幾款，分別是士多啤梨、綠豆、奶皇芒果、芝麻、豆腐及紅豆，紅紅綠綠的，賣相不錯。幾款糯米滋吃落都好味，糯米皮軟熟又煙韌，應是新鮮製起，很不錯。幾款餡料，以奶皇芒果最香甜，原以為士多啤梨古古怪怪咁，但食落又不錯，反而芝麻就苦苦的，不大好吃。幾位店員服務非常的一般，問三句答一句的。十蚊三粒，經濟抵食，順路經過要一試。