一風堂 (德福廣場) (已結業)

不嬲都好想試吓一風堂嘅拉麵，果日做完嘢就嚟咗呢度食晚餐！對比起其他餐廳，呢間唔算好多人排，可以直入！叫咗個赤丸新味，佢有得揀麵嘅軟硬度，又幾貼心！嚟到賣相好吸引，湯底味道唔錯，濃得嚟又唔會覺得好重味精！麵嘅軟硬度揀左適中，就真係適中！而且塊肉都幾好食！不過係份量就真係有啲少，雖然我哋已經要埋餃子，但女仔食都唔係好飽，男同事直頭食完出咗去再買泡芙食！所以建議想輕食就可以，如果好肚餓嚟就真係唔係好得嘞！難怪對比起其他餐廳，無咁多人排隊！