永合隆飯店

營業中

休息中

今日去開太子好想燒味，即時諗起老字號既永合隆飯店，其實個名聽左好耐但一直都冇試過🤫🤫🤫餐廳維持一貫傳統既裝修，入到餐廳係有種好街坊既感覺，夠貼地🤝🤝門口旁邊係玻璃既廚房，望到形形式式既燒味，真係令人食指大動🤪🤪不過你之前上網睇到啲食評個個都好似話麻麻地，所以都唔係抱住好大嘅期望入去食😎😎😎餐廳有好多唔同選擇既燒味，今次我無跟飯，就咁嗌咗叉燒同炭燒乳豬另外嗌咗碟菜😍😍😍上枱賣相已經相當吸引，叉燒開頭望落去好似太瘦，點知食落先會知道原來岩岩好，唔會某部分一大嚿肥膏咁😛😛最特別係佢既製法唔似叉燒就咁用麥芽糖浸完黎燒，食落去係有一陣荔枝既煙薰味，所以特別香同惹味，真係好正呀☺️☺️真心係我食過暫時最好食嘅叉燒😍😍😍炭燒乳豬既皮真係好脆，咬落去脆卜卜又夠香，皮下脂肪既比例唔會太多，有一侵薄薄的脂肪加埋香口既燒肉，我覺得食落去每一嚿都係享受呀，炭燒嘅果然係唔同啲😍😍菜心好新鮮，而且唔會太老，食完燒味加多個菜係感覺健康啲既總體黎講我覺得永合隆既燒味係高質，我要為你平返一次