影片
更多
2010-11-22
3 瀏覽
其實唔係第一次黎~我男友就成日黎幫襯~就係貪呢間野好食得黎~好格攝好難搵(要行一大段斜路先到)~可以靜靜地坐下傾下計~唉~點知自從無記介紹過~呢間野變得好萬人空巷~好墟冚咁~前日我哋walk in居然等左個半鐘!!!無打錯~係個半鐘!!!但無辦法~鬼叫我掛住佢d丹麥麵包咩!!! (其實食完第一次已愛上, 我哋四出搵坊間嘅相似物種比較~似d樣嘅有Panash 也賣丹麥麵包~不過Panash個隻係鹹嘅~而且無博洛里亞依隻咁酥軟~~其次山崎麵包都有隻千層酥皮包都係依款麵包~~不過都係唔及佢香甜~~所以~老遠又等甘耐都要黎食!老老實實~食黎食去都係食個款包為主ga喇~多士配牛油炒蛋都幾好味,全部食物勝在即叫即煮~包保熱騰騰上枱~同埋配料份量十足~唔會覺得俾人搵笨~~~值得推介嘅仲有夏威夷漢堡扒煎蛋飯, 有好香肉汁滲透入珍珠米裡面~~係一直被忽視(今次突然好餓~想湊米氣~發現嘅新大陸)!!!肉汁真係有鮮味~依個真係估唔到嘅~也值得一講嘅係佢地嘅咖啡~作為一間cafe~~~如果佢地食品我俾9粒星(10粒為滿分)~ 佢地嘅咖啡就1粒星都無!!!!!~作為熟客我地一早醒扒唔會叫咖啡~(*總之各位叫dr
老老實實~食黎食去都係食個款包為主ga喇~多士配牛油炒蛋都幾好味,全部食物勝在即叫即煮~包保熱騰騰上枱~同埋配料份量十足~唔會覺得俾人搵笨~~~
值得推介嘅仲有夏威夷漢堡扒煎蛋飯, 有好香肉汁滲透入珍珠米裡面~~係一直被忽視(今次突然好餓~想湊米氣~發現嘅新大陸)!!!肉汁真係有鮮味~依個真係估唔到嘅~
也值得一講嘅係佢地嘅咖啡~作為一間cafe~~~如果佢地食品我俾9粒星(10粒為滿分)~
佢地嘅咖啡就1粒星都無!!!!!~作為熟客我地一早醒扒唔會叫咖啡~
(*總之各位叫drink叫其他野啦~都正常ga~千祈唔好叫凍咖啡!!!)
隔離枱師奶就捉住個侍應投訴:~d咖啡淡過杯水!!!!!!!!!!!*嘿!不過凡事無完美囉~
包容下啦!!
再值得一讚嘅係班侍應好好態度~果日係星期六好多人好忙亂~隔離枱師奶一陣又由出面露天地方調入黎,
一陣又投訴人地d咖啡淡(其實又係淡嘅)~
一陣又5人叫3個餐share~個侍應每樣野都好好態度同佢地解釋~
請佢地叫多2杯drinks會划算d(否則就齋計人頭錢)~都好婉轉好禮貌~
其實都算係soho區~人地租金都唔平~要你地一人要叫一項食品或飲品都算合理~
~有時做人要體諒下人!
人人幾條友分食一個餐~香港嘅飲食業就淪陷!
之前以為全部員工都係日本人~(男友仲話有個侍應幾似廣末涼子~真想打死佢!!)
原來只係老闆同廚子係日本人~其他都係香港人黎!
最後值得一講~擠迫呢佢地就不嬲都迫~不過依排紅左~
~d食具好似無以前甘乾淨~冷氣十二萬分之唔夠~
好慨嘆~係咪每間走紅食肆都難逃走樣宿命?
希望會改善啦!
張貼