湘聚漁樂圈 (已結業)

話說肥妹仔嘅家姐好鍾意食辣嘢，而佢亦都叫咗好多次想試下酸菜魚，所以肥妹仔今晚特登同肥家姐一齊去咗呢一間位於銅鑼灣湘聚漁樂圈度食湘菜酸菜魚。蒜香排骨  $98我哋一行三人叫咗個蒜香排骨， 呢一個蒜香排骨係超香蒜味，鍾意食蒜嘅朋友一定要試!佢嘅外皮炸到脆卜卜，但係入面嘅肉仲係好嫩滑，一咬係啲肉汁係爆出嚟。山筍乾肉絲  $98肥妹仔嗌呢一個本身係想試下山筍乾，但係點知成碟嘢只係得筍，都冇肉絲。呢度肥妹仔比較失望!不過佢味道唔錯，食落去爽口同埋鹹香，攞嚟撈飯真係一流。酸菜桂花魚小辣  $268呢個先係精髓，成餐飯嘅重點!佢呢一個酸菜桂花魚真係超級好食，因為肥妹仔唔食得好辣所，以叫咗個小辣。佢嘅桂花魚份量好多，而且肉質係超級嫩滑，非常之入味，唔會食唔飽。同埋佢嘅配菜係有百頁豆腐，金針菇，酸菜同埋寛粉，每一樣配菜都係吸味之選，每咬一口就好似將個湯飲咗落去咁樣，呢個肥妹仔係超超超超級推介畀大家。水餃  $48呢個係肥妹仔驚唔夠飽所以再叫多個水餃。佢嘅水餃好似肥媽整嘅水餃，好有家嘅味道。醬油蛋炒飯  $88炒飯粒粒分明，唔會好鹹，攞嚟撈嗰個山筍乾肉絲同桂花魚超級好食。肥妹仔食到一粒飯都冇淨。