金丼港日台料理 (已結業)

同男朋友行行下街！想食放題！就去咗兆萬樓下睇下啲傳單有咩食！見到金丼嘅傳單話有個龍蝦火鍋送，就比佢吸引左啦！上到去，佢話可以同時用送龍蝦火鍋卷，每人減廿蚊卷，每人送焗蠔卷，頓時覺得超抵！講下啲野食：龍蝦鍋隻龍蝦，超細隻，得一舊肉仔。好過無。送嘅焗蠔，係凍架，啲味勁怪！最普遍嘅燒菠蘿，係凍架，同埋咬落去我覺得係垃圾站嘅味道，咬左一啖，吐都吐唔切！就係依舊菠蘿令我忍唔住上黎寫食評！成晚食得落肚只可以話得火鍋嘅芝士腸，蜆同青口！我一定唔會再去！