洪師父牛肉麵 (已結業)

洪師父牛肉麵係台灣都幾出名，一直都好想試，但因爲疫情都無得去台灣，無機會試。知道香港都有洪師父，之前終於得閒去左去旺角試試，過下癮。去到係下午茶時間，叫左個下午茶餐係免費配仼何飲品。紅燒牛肉麵 (下午茶 $45)推介指數：8.5/10唔能夠同台灣嗰間洪師傅比較，因為未試過，但之前喺台灣試過其他舖頭既紅燒牛肉麵，今次食既呢碗都相當有台灣既味道！湯底非常有味，唔算太濃，恰到好處，而且牛肉都好易入口，唔會太硬，帶點軟食，口感不錯。不過麵條質感就無係台灣食既咁彈牙，呢度係有小小扣分吧。食完都係會感受到小小台灣既味道！下午茶免費配飲品，我就配左杯QQ鮮奶茶，可以話係不過不失，但唔算好特别。雖然下午茶加埋一都食左50蚊，但依家無得去台灣，係香港用50蚊感受到台灣既味道，都係十分值得！而且係包埋杯野飲，其實50蚊都唔算貴的。麵的份量一定係唔多，但下午茶絕對夠食，而且飲完杯野都十分飽肚。性價比算係中等，但當然去台灣一定會平好多！