卡邦尼小館 (已結業)

今個拍拖紀念日，我同男友去咗呢間轉角西餐廳食飯，環境幾好，夠寬敞又唔會太迫，方便談心，仲好有英式復古小店風格!!我們點了2個set dinner,分別是T骨牛扒和三文魚，個set包埋餐湯同甜品。T骨成數煎都剛剛好，外層脆口，保留住肉汁，一啲都唔乾。而三文魚個擺法好有睇頭，肉同皮分開，魚煎得香口，唔會太熟；而塊皮焗到好脆，配埋個汁，好夾。最欣賞係個菇配埋啲意大利飯，上面仲有一層芝士，方便一切，成層一齊芝士菇飯放入口，大滿足！餐湯揀咗南瓜湯和黑松露白菌湯，兩款都好夠味，唔會太水汪汪。甜品blueberry 奶凍非常滑，唔會太甜，配埋blueberry醬剛剛好。