影片
更多
2017-01-23
2149 瀏覽
今日同男朋友拍拖紀念日🎈話說早幾個星期前 我粒傻蛋蛋已經係咁問我訂呢間好唔好但其實我之前已經食過兩次🙊我對呢間野既印象都非常之好所以緊係好啦於是就透過openrice訂枱 好快酒店職員就會打電話確認訂枱資料及提供入數資料先可以作最後確實（每人$100訂金）酒店有兩輪時間6點-8點同8點半-11點由於我既傻蛋蛋6點先可以放工所以我地訂左8點半時間$478一位 兩位做緊7折🎈折完連原價加一$764.8@2 每人$382.4我地8點20分就去列大堂了約25分可以提供入座好準時30分就可以出去拎野食呢一晚係星期四 可能係因為平日嚟 訂枱人數好少現場大約8-10枱 人都好少啊一開始我同男朋友就排隊拎生蠔先 即開嫁今日提供兩款 一款係法國 一款係愛爾蘭個人覺得法國既好食好多味重好多同爽口多肉既 愛爾蘭就比薄身啲好透肉同好''濂濂''既感覺之後我就開始食下刺身 今晚有呢4款天使蝦最好食 其他都不過不失傻蛋蛋就拎長腳蟹食一路食一路話好好食（我唔食所以唔知係咪真係好食 但係呢 食完之後個幾日 粒蛋蛋成日係我耳邊講 好掛住咖啡亭啲蟹腳唔止一次）即煎牛仔骨配燒汁 仲有個係即煎黑毛豬排配燒汁 但忘記了影
今日同男朋友拍拖紀念日🎈
話說早幾個星期前 我粒傻蛋蛋已經係咁問我訂呢間好唔好但其實我之前已經食過兩次🙊我對呢間野既印象都非常之好所以緊係好啦於是就透過openrice訂枱 好快酒店職員就會打電話確認訂枱資料及提供入數資料先可以作最後確實（每人$100訂金）
酒店有兩輪時間6點-8點同8點半-11點
由於我既傻蛋蛋6點先可以放工所以我地訂左8點半時間
$478一位 兩位做緊7折🎈折完連原價加一
$764.8@2 每人$382.4
我地8點20分就去列大堂了
約25分可以提供入座
好準時30分就可以出去拎野食
呢一晚係星期四 可能係因為平日嚟
訂枱人數好少現場大約8-10枱 人都好少啊
一開始我同男朋友就排隊拎生蠔先 即開嫁
今日提供兩款 一款係法國 一款係愛爾蘭
個人覺得法國既好食好多味重好多同爽口多肉既 愛爾蘭就比薄身啲好透肉同好''濂濂''既感覺
之後我就開始食下刺身 今晚有呢4款天使蝦最好食 其他都不過不失
傻蛋蛋就拎長腳蟹食一路食一路話好好食（我唔食所以唔知係咪真係好食 但係呢 食完之後個幾日 粒蛋蛋成日係我耳邊講 好掛住咖啡亭啲蟹腳唔止一次）
即煎牛仔骨配燒汁 仲有個係即煎黑毛豬排配燒汁 但忘記了影相淨係記得個黑毛豬排係好重好想酒味嫁個個好食牛仔骨正常味道 同黑毛豬排比較 黑毛豬排比較出色
呢個係焗芝士蠔同炸廣島蠔其實我真係好鐘意食蠔🙊🙊🙊
個炸廣島蠔好食
焗個個就有啲乾啦都係即開生蠔好食啲
有其他熱盤 羊架個啲 不過我地唔食羊所以無試
有個焗鱸魚好好食又係唔記得影相
每人有半隻芝士焗龍蝦 😂蛋蛋最開心我個大半隻都比埋蛋蛋蛋蛋開心到不得了呀（最鐘意睇佢傻笑 仲要係對住隻龍蝦🙊🙊🙊）
我食左少少係真係好味既 好多膏😆
枱面會有即炒意粉既紙仔 紙仔上面可以簡配料 粉類 同汁類
我地兩個剔左一個黑松露忌廉汁扁意粉@蝦 紅椒 菌類 青口 （又無影 掛住食🙊）呢個真係不得了超級好食！食停唔到口😂 總之真係好食過出面比錢炒一碟個啲！份量好少 我估個意粉底60-80g 兩個人分享❤
仲有個生滾粥 不好飽 無試到
甜品如下
個pancake好食 即整嫁焦糖燉蛋好食！又係即燒
其他都好食 但我最鐘意呢兩個😆
每人都有包一杯飲品 或果汁的
食到最後 隻蛋蛋已經飽到呆濟了🙊🙊🙊
整體自助晚餐價錢382.4一位 兩個半小時價錢合理 出面啲自助晚餐一般連加一都$480或以上 所以其實我係覺得抵食嫁食物唔算多 但全部都係我地最鐘意食既同埋佢地啲服務都好好 環境亦都好舒服 就嚟農歷新年有佈置到 所以好有過年feel
雖然呢個場係細啲 但我好鐘意呢個場 一嚟枱少人都少 唔洗同人迫 🙊 之前去左海x君x個到食 每人接近600蚊 場好大 枱好多 人仲多個次排等個生蠔等左超耐超耐 熱盤食物好多人夾哂 酒店都無fill .. 又係因枱多 行出行入 真係好唔方便 條路幾長下 （因為離得幾遠下）仲要無野飲 另叫可樂連加一約$50左右一罐 所以 唔係場大就好嫁最緊要岩食同舒服就非常好了不過咖啡亭以前係汽水任飲的依家就要加錢升級先可以但有包一杯餐飲已經好好下次都會再嚟嫁
張貼
