影片
更多
2009-03-18
27 瀏覽
其實之前我同屋企人及朋友都有嚟過呢度食飯慶祝生日。今次嚟係同老婆慶祝紀念日。呢度地點都算方便，搭地鐵佐敦站落，行去理大方向約五分鐘就到。因為係平日，所以我無book位。我地約八點鐘到，一到好快已俾安排入座。坐低後，侍應好細心地先問我地飲凍水定暖水，然後詳細地講解是晚嘅set dinner menu。呢度嘅set dinner menu都幾得意，係一塊大黑板(即係平時放門口嗰啲size)，佢會楝起塊板喺張凳上面俾你慢慢睇。我地揀咗兩個set dinner，一個係鵝肝拼牛柳，另一個係雜菜蟹肉扁意粉。頭盤我地就揀咗生牛肉他他同煙三文魚沙律，另外點咗個酥皮田螺角。(我唔記得咗個名，好似係咁叫)先嚟頭盤：生牛肉他他：牛肉唔酥，不過淹得酸咗少少；但配法飽個味好夾，剛好balance翻。煙三文魚沙律：三文魚厚身有質感，唔腥兼有魚香味。沙律就ok啦。酥皮田螺角：係一個驚喜！摺到好似咖喱角咁。酥皮好香口，裡面包住係熱辣辣嘅香草炒田螺；香草同田螺嘅比例剛好！一流！食飽頭盤，等約十分鐘就上main course，相信係俾我地消化！main course來了：鵝肝牛柳：鵝肝都好大塊同juicy，牛柳則煮得比較
今次嚟係同老婆慶祝紀念日。
呢度地點都算方便，搭地鐵佐敦站落，行去理大方向約五分鐘就到。
因為係平日，所以我無book位。我地約八點鐘到，一到好快已俾安排入座。
坐低後，侍應好細心地先問我地飲凍水定暖水，然後詳細地講解是晚嘅set dinner menu。
呢度嘅set dinner menu都幾得意，係一塊大黑板(即係平時放門口嗰啲size)，佢會楝起塊板喺張凳上面俾你慢慢睇。
我地揀咗兩個set dinner，一個係鵝肝拼牛柳，另一個係雜菜蟹肉扁意粉。
頭盤我地就揀咗生牛肉他他同煙三文魚沙律，另外點咗個酥皮田螺角。(我唔記得咗個名，好似係咁叫)
先嚟頭盤：
生牛肉他他：牛肉唔酥，不過淹得酸咗少少；但配法飽個味好夾，剛好balance翻。
煙三文魚沙律：三文魚厚身有質感，唔腥兼有魚香味。沙律就ok啦。
酥皮田螺角：係一個驚喜！摺到好似咖喱角咁。酥皮好香口，裡面包住係熱辣辣嘅香草炒田螺；香草同田螺嘅比例剛好！一流！
食飽頭盤，等約十分鐘就上main course，相信係俾我地消化！
main course來了：
鵝肝牛柳：鵝肝都好大塊同juicy，牛柳則煮得比較熟。算係水準之作。
雜菜蟹肉扁意粉：呢個就十分失望，蟹肉少到睇唔到，又無汁。啲扁意粉係有味，但感覺就好似係食齋意粉一樣，非常揾笨！
不過之前嚟食飯揀嘅都係扒餐，每一次都有唔錯回憶。
今次係我第一次揀意粉類，但亦都會係最後一次。下次一定揀翻扒餐！
整體嚟講，除咗意粉外，每一樣食物我都好滿意，另外service都好好。
如果再有朋友或屋企人生日，我會請佢地嚟呢度！
張貼