Thirty First of May (已結業)

今日好想去返上次同朋友去過個間餐廳度食飯，放工前約定朋友係荃灣地鉄站等，間餐廳係大霸街，我地出咗地鉄站A出口之後沿行人天橋一路行過去，都唔使十五分鐘，侍應今次俾咗門口位俾我地，方便朋友食煙，朋友睇咗餐牌之後，叫咗一個套餐包括有頭盤係 凱撒沙律，黑松露野菌忌廉湯，南瓜蟹肉意大利飯，美國安格斯西冷牛扒10安士，我叫咗五成熟，加埋一杯 檸檬茶同埋橙汁 ，先嚟係沙律，佢嘅沙律汁係自己調較嘅，味道好特别， 跟住就係 黑松露野菌忌廉湯同埋 南瓜蟹肉意大利飯一齊嚟，嗰飯嘅味道好正，南瓜味濃，跟住係我至愛西冷牛扒啦，配埋自家制醬汁，真係超正，肉質美味，同朋友倾吓講吓，時間過得好快，臨走再約下次嚟過。