重慶劉一手火鍋店 (已結業)

上次得三個人去食，可以食既份量唔多同相對貴，今次約夠6個人，加埋湯底半價，咁就可以叫多d都無咁肉赤。先講配料，醬油辣椒一應俱全，仲有埋油碟可以自行倒落碗到。記得上次去成都間火鍋既侍應話加埋油碟會無咁上火，係正宗重慶火鍋既鋪頭先會提供。湯底方面要左麻辣鴛鴦椰子雞湯，建議先飲椰子雞湯，好濃好香同足料，再加湯都係加返雞湯俾你，呢個加分呢個係炸酥肉，即係豬肉，呢個係我每次去大陸旅行食火鍋都必點既，唔係間間都好食，呢間既炸粉唔算多，都算係幾高分既酥肉其他既菜呢個係是日既重點菜，上次三個人叫到小份既牛，今次終於可以點和牛極品精選。的確係好貴，唔係多人都叫唔到，不過又真係超級好食，牛既脂肪比例剛好，食入去係溶化架總結，劉一手絕對係貴價火鍋，不過又真係足料既。要改善既係坐位既安排，我們一行六人但安排左4人枱，仲要有大肚婆，真係坐到好迫夾，講咗好耐終於安排到我哋坐一張六人位，仲要唔係 walk-in,係一早訂左既。希望下次再去會有改善啦。