紅堂 (已結業)

今日朋友帶左去個好應景既地方打邊爐。 一上到黎，係個好大既古老閘門，成個氣氛都係黑紅色，都有啲神秘又驚喜。坐底地方好闊落，唔會同人迫。 我地叫左2個鍋，滋補既花膠魚肚鍋個湯真係好鮮味。店員建議飲左湯先再落野食，又真係正wor。 每人都飲2碗，仲要都算多花膠，同好好舊。然後就係野味既川辣和牛牛油養生鍋。 我地簡左2小辣，味道好適中，唔會太辣太咸，而個和牛牛油都好特別，食落唔覺太肥。好得意既蒜泥白肉小籠包，冇諗過可以咁食，小小辣好開胃。紫菜響鈴好特別，更加有口感又香。試左川辣和牛拼盤，3款都好似鮮滑牛，係真係好滑個種，但辣都只係吊下味，所以可以放心食。和牛蕃茄卷，咁打邊爐又係好得意。而個豚肉係有驚喜既，口感比牛肉仲正，嫩滑又爽口。鵝腸好爽口，石班魚片夠厚身，新鮮所以都爽。最後食川菜，食埋冬菜真係勁圓滿。