影片
更多
2021-04-11
39 瀏覽
👁🗨紅堂📍銅鑼灣登龍街28號永光中心1樓————————————————————對於一年四季都愛食火鍋嘅香港人嚟講，絕對連午餐都要食😂一早訂咗位，中午12點到步店家原來仲準備緊未開門，真心唔好意思搞到人哋手忙腳亂招呼我哋入座🙈店內以黑色同紅色為主色調，裝修型格得嚟又帶點中式古風，除咗卡位仲設有廂房，今次我哋就被安排到係廂房用餐🍴，入面位置闊落坐得幾舒服，店員仲會幫手閂埋房門，食客有適當私人空間之餘，房門上通花嘅設計令店員係食客有需要個時都會見到，十分貼心好食度：✔️✔️✔️✔️✔️➰午餐主打午市火鍋套餐 $148/ 1位 (2位起) 同一人定食套餐 $88/ $98午市火鍋套餐係指定鴛鴦鍋，分別係「清油養生麻辣鍋＋火腿花膠魚肚雞湯鍋」，一次可以試晒兩個湯底➰套餐包括 :。涼菜兩款。西班牙伊比利豚梅肉、美國安格斯牛肩肉、雞肉。麻辣和牛餃、雲吞、墨魚松露丸。鮮蔬拼盤。炸魚皮。寬粉/ 出前一丁/ 白飯。飲品 - 烏梅汁/ 豆漿。甜品 - 紅桑子冰粉➰麻辣鍋湯底可以揀辣度，辣度夠入口麻香，入面仲有鴨血同凍豆腐，雖然係午市套餐但絕對唔遜色，真材實料 ; 花膠魚肚雞鍋湯底相較起更為出色，落配料前試飲咗一碗
📍銅鑼灣登龍街28號永光中心1樓
————————————————————
對於一年四季都愛食火鍋嘅香港人嚟講，絕對連午餐都要食😂
一早訂咗位，中午12點到步店家原來仲準備緊未開門，真心唔好意思搞到人哋手忙腳亂招呼我哋入座🙈
店內以黑色同紅色為主色調，裝修型格得嚟又帶點中式古風，除咗卡位仲設有廂房，今次我哋就被安排到係廂房用餐🍴，入面位置闊落坐得幾舒服，店員仲會幫手閂埋房門，食客有適當私人空間之餘，房門上通花嘅設計令店員係食客有需要個時都會見到，十分貼心
好食度：✔️✔️✔️✔️✔️
➰午餐主打午市火鍋套餐 $148/ 1位 (2位起) 同一人定食套餐 $88/ $98
午市火鍋套餐係指定鴛鴦鍋，分別係「清油養生麻辣鍋＋火腿花膠魚肚雞湯鍋」，一次可以試晒兩個湯底
➰套餐包括 :
。涼菜兩款
。西班牙伊比利豚梅肉、美國安格斯牛肩肉、雞肉
。麻辣和牛餃、雲吞、墨魚松露丸
。鮮蔬拼盤
。炸魚皮
。寬粉/ 出前一丁/ 白飯
。飲品 - 烏梅汁/ 豆漿
。甜品 - 紅桑子冰粉
➰麻辣鍋湯底可以揀辣度，辣度夠入口麻香，入面仲有鴨血同凍豆腐，雖然係午市套餐但絕對唔遜色，真材實料 ; 花膠魚肚雞鍋湯底相較起更為出色，落配料前試飲咗一碗，味道鮮甜仲有雞味，竟然唔係溝咗好多水嘅清湯
午市火鍋套餐 (鴛鴦鍋)
$148
3 瀏覽
0 讚好
0 留言
➰肉類
係高質肉，有別於平時食火鍋放題個啲，特別欣賞佢個牛肉同雞肉，雞肉滑得嚟唔會有雪味
6 瀏覽
0 讚好
0 留言
➰麻辣和牛餃就唔係幾岩我口味，都係習慣豬肉多啲，雲吞同墨魚松露丸都唔錯，食落有鮮味又彈牙
➰寬粉兩人份會直接上一小碗俾你，同另外上一個篩方便你落鍋煮，望落好少份量原來落少少煮出嚟都幾多，結果我同朋友兩份食都食唔晒
我試係麻辣鍋湯底到淥，寬粉吸收晒啲辣湯真係好夠味，唔食得辣嘅千祈唔好試😂
朋友叫左公仔麵，原來同花膠魚肚雞鍋湯底好夾，感覺仲好食過麻辣味寬粉
➰最後上埋個甜品紅桑子冰粉，上面嘅配料配搭得好有新意，有花生碎、提子乾、紅桑子乾同山楂片，口感冰涼味道酸甜又開胃，即刻解晒熱同油膩感，好有心思
紅桑子冰粉
4 瀏覽
0 讚好
0 留言
➰店員都好細心招呼好好，落單同上菜都會主動介紹菜色，仲會提醒醬料用途，餐枱上仲備有花椒油、紅椒油同麻油，重口味嘅朋友可以隨時加料😝
💬以午市火鍋嚟講高質又抵食，份量適中，亦無限制用餐時間，性價比高👍
明明裝修同食品質素都唔錯，午市時段仍未滿座只有廖廖幾枱食客，真心可惜😩
張貼
