台灣麵

營業中

休息中

今日想試下新野，係到搵到呢間，覺得幾正，所以去試下今次要左個下午茶餐，台式肉燥豆腐飯味道比台灣食到嘅冇咁濃味，但都算唔錯，不過肉燥實在太少，豆腐食落去係冇任何調味，汁唔夠濃，配埋豆腐其實冇乜味，隻蛋正正常常，冇特別跟著要左個雙拼麵食，紅燒牛肉粗麵配椒鹽排骨米線紅燒牛肉麵唔錯，牛肉燜得夠林，粗麵煙韌好食，而椒鹽排骨米線，排骨可以鬆多少少，至於湯底方面，飲落去都幾味精雖然雙拼可以一次食到唔同口味嘅野，但價錢方面實在唔算抵，分別係$57，$55同$52，視乎點配搭，單叫一碗麵比較抵食另外仲加錢轉左杯台式飲品飲落去都幾滑，飲到胚芽嘅口感，唔錯總括呢餐算係唔錯，下午茶餐比較抵食