慶麵 (已搬遷) 新店位置

今日收工, 1個人去覓食, 本身想食附近既車仔麵, 但路過此店, 又未食過, 係門口附近企住先, 然後上openrice睇下此店有咩食先, 見到食物相都幾啱食, 就試下啦。因為時間都不早了, 客人不太多, 不用等位。呢個黑豚腩肉, 脂肪比例均勻, 又多汁比你撈麵, 睇見巳流晒口水。 腩肉炆得好入味, 肉質部份軟腍, 部份較硬身, 醬汁甜甜地, 調味很好, 撈麵一流。雞翼就一般, 本人較鍾意蜜糖味, 但一點都食唔出, 只有芥辣醬味, 皮脆, 但肉質不夠juciy, 鎖唔住肉汁。飲埋汽水, 承惠$98。