紅磡串門子

營業中

休息中

今日去開紅磡， 朋友介紹去食串燒， 貪佢CP值高。餐廳位於紅磡必嘉街， 餐廳環境就係做街坊生意， 但算乾淨整潔。我地瘋狂點左:串燒雞全翼, 燒翠玉瓜, 燒秋葵, 燒虎皮青椒, 醬燒雞脾菇, 燒台灣腸, 燒頂級墨魚丸, 燒脆香燒賣, 醬燒豬頸肉, 燒鹿兒島一口豚。燒雞全翼燒得剛剛好， 皮脆肉嫩。燒台灣腸非常香脆， 肉味濃。 最值得推薦係燒鹿兒島一口豚， 唔講以為係食緊和牛。豚肉味香濃， 有肉汁， 加上燒得帶點微燶， 脆脆地， 好野味。食串燒又點少得飲返杯啤， 餐廳有 Hoegaarden同Stella生啤選擇， 58蚊有500ml， 真係爽YY。