影片
更多
2022-07-17
789 瀏覽
美味佳(16/7) 星期六 晚上6:30特式：紅磡都有唔少串燒店，但美味佳相對都係有返d歷史同一定程度既知名度，佢紅磡區有一間係有堂食，另外仲有一個舖位係紅磡雞蛋仔旁，就只做外賣。食物：今日同行有4人去食，有少少眼闊肚窄同埋太多野想試，所以叫到成枱都係野，不過都無浪費，佢d串燒可以自行揀辣/唔辣，以下就逐d評價下重點食物，因真係太多，難以一一介紹。醬料 - 佢枱面有辣椒油同埋沙嗲醬可以用嚟沾食物，辣椒醬就冇用過，沙嗲醬就得個甜字唔覺得好香或者辣。雞全翼 - 係全餐最好食既野，佢亦係本身店舖最推介及暢銷既食物。雞肉串 - 好普通，唔沾下醬就根本冇乜味。司華力腸 - 正常，沾左沙嗲醬會好食d。牛脷/雞腎 - 無特別，但偏硬。墨魚咀 - 呢個幾好食，沾埋沙嗲醬會仲好。花甲粉 - 幾好食，有幾香嘅胡椒味，粉絲都多同埋花甲無沙。燒茄子 - 抵食夠大條，蒜蓉味同辣味都唔夠，叫咗兩條，有一條燒得唔夠淋。燒京蔥 - 冇特別同有少少濃，但都算好食。燒京蔥牛肉卷 - 有埋牛肉嘅加持，比起淨燒京蔥好食。金菇牛肉卷 - 都係一般正常味，都係沾沙嗲醬會好食啲。杏鮑菇 - 正常燒杏鮑菇味。燒韭菜 - 呢樣野通常去
(16/7) 星期六 晚上6:30
特式：紅磡都有唔少串燒店，但美味佳相對都係有返d歷史同一定程度既知名度，佢紅磡區有一間係有堂食，另外仲有一個舖位係紅磡雞蛋仔旁，就只做外賣。
食物：今日同行有4人去食，有少少眼闊肚窄同埋太多野想試，所以叫到成枱都係野，不過都無浪費，佢d串燒可以自行揀辣/唔辣，以下就逐d評價下重點食物，因真係太多，難以一一介紹。
醬料 - 佢枱面有辣椒油同埋沙嗲醬可以用嚟沾食物，辣椒醬就冇用過，沙嗲醬就得個甜字唔覺得好香或者辣。
雞全翼 - 係全餐最好食既野，佢亦係本身店舖最推介及暢銷既食物。
雞肉串 - 好普通，唔沾下醬就根本冇乜味。
司華力腸 - 正常，沾左沙嗲醬會好食d。
牛脷/雞腎 - 無特別，但偏硬。
墨魚咀 - 呢個幾好食，沾埋沙嗲醬會仲好。
花甲粉 - 幾好食，有幾香嘅胡椒味，粉絲都多同埋花甲無沙。
燒茄子 - 抵食夠大條，蒜蓉味同辣味都唔夠，叫咗兩條，有一條燒得唔夠淋。
燒京蔥 - 冇特別同有少少濃，但都算好食。
燒京蔥牛肉卷 - 有埋牛肉嘅加持，比起淨燒京蔥好食。
金菇牛肉卷 - 都係一般正常味，都係沾沙嗲醬會好食啲。
杏鮑菇 - 正常燒杏鮑菇味。
燒韭菜 - 呢樣野通常去到串燒店都必叫，但佢燒到好un，un到咬唔開咁濟...
腸類及麻吉燒 - 因為當時已經太飽，所以都係打包走，始終唔係即食，評價會無咁中肯，所以不提了。
飲品 - 佢飲品都係普通汽水/支裝茶/豆漿/王老吉，擺晒係個雪櫃到自助自取。
環境：餐廳環境好迫又窄，好彩當日早度，可以坐到張大枱，但都要預左要同人搭枱坐，因為間舖人多，但位置就有限。
服務：因為除左上串燒，其他嘢都係資助，所以對服務無什麼評價，不過起碼無漏單情況。
價錢：人均大約150。
總結：真心食過咁多間串燒，佢算係名氣大，但質素就keep唔住，齋講串燒紅磡有比佢更好食，但人均只係150蚊又唔可以挑剔太多，叫做中規中矩。
33 瀏覽
0 讚好
0 留言
28 瀏覽
0 讚好
0 留言
31 瀏覽
0 讚好
0 留言
19 瀏覽
0 讚好
0 留言
14 瀏覽
0 讚好
0 留言
16 瀏覽
0 讚好
0 留言
19 瀏覽
0 讚好
0 留言
13 瀏覽
0 讚好
0 留言
15 瀏覽
0 讚好
0 留言
張貼
