紅磡冰室 (已結業)

次次經過，呢間野都一定有人排緊隊，雖然已經開左業一段時間，但係人流依然不減。今日LUNCH，我決定點都要一試！！點左個常餐，$44但係包3樣野 (瑞士雞翼撈公仔麵、嫩滑炒蛋 + 香烤蒜蓉包)，仲要包一杯餐飲點解佢個炒蛋咁好食架，佢真係可以做到嫩滑既感覺，不過好似咸味稍重。香烤蒜蓉包都好香，好好味，麵包好香軟，有D位仲因為佢烤過所以有少少脆，蒜蓉毫不吝嗇，成個包都搽滿左蒜蓉。瑞士雞翼撈公仔麵有3隻瑞士雞翼，瑞士準甜甜地，不過個人就係唔係咁鐘意太甜，加左少少佢地既辣椒油去調味，又有另一種味道WOR。呢倉常餐咁多野食，食完真係飽哂。