紫荊閣 (已結業)

聽紅磡區有新飲茶地點，同雙親食飯，於是一試。叫化雞 ($480): 叫化雞要預訂先有得食！好彩今次勤力有預先做定資料搜集，預早一日訂左，齊齊享口福。叫化雞一到，我地都好興奮咁拎起鎚仔扑開似石頭般ge黃泥！一扑開，荷葉同雞肉ge香味撲鼻，大家都已經急不及待起筷！雞肉肉質結實，雞身釀有冬菇，木耳，金針菜同紅棗等配料，好有營養！大概係因為d配料完全吸收晒雞肉ge鮮味，配料非常入味。西蘭花花枝片 ($138): 西蘭花新鮮有汁，花枝片白雪雪好爽口，而且唔會好韌，食得出用料新鮮。環境方面光線充足，係柔和的白色，空調適中，座位尚算舒服。服務方面雖沒有想像中酒店式的親切，但侍應哥哥邀請我們敲敲叫化雞的外殼啊，這方面值得加分。