雞翼山 (已結業)

平時好少黎紅磡，因為覺得紅磡站行去黃埔好似好遠咁，而家有港鐵黃埔站就方便好多。今次就去左呢間雞翼山試下唔同口味既雞翼。我地叫左文青風玫瑰雞翼、港式避風塘蒜香雞翼同埋濃味三重芝士雞翼。文青風玫瑰雞翼，而家已經進化到野食名都要加文青。我自己覺得就係蜜糖雞翼，鍾意係BBQ燒雞翼加蜜糖既人可以試下呢一隻。港式避風塘蒜香雞翼，呢隻避風塘蒜香雞翼我覺得係係我買果3款入面最好食既。相信大家都知到避風塘是辣的，如完全吃不到辣的人要注意一下。不過其實食落去只係少辣，辣辣地過下口癮的確不錯。濃味三重芝士雞翼，就係雞翼上淋上邪惡芝士，簡簡單單對於芝士控既人黎講兕經係PERFECT啦! 芝士連埋仲有少少脆既皮同埋仲係好滑既肉，三樣野一齊咬入一啖，口感非常豐富，芝士唔算太漏，我每樣食左兩隻都未有飽肚既感覺，好想繼續食落去!左: 水蜜桃粒粒甜果茶 右: 招牌莫希托式薄荷特飲 兩杯都清清地，幾岩食完雞翼飲去清少少熱氣。